ڕێبەری شۆڕش: گەنجانی دیندار بە نابوود کردنی داعش چۆکیان بە ئەمریکای زۆرداردا هێنا
ڕێبەری مەزنی شۆڕشی ئیسلامی، جەختیکرد: دوژمن دژایەتی خۆی لەهەر لاوە تووندتر کردۆتەوە وتاخۆڕاگرییەک کە سەری هەڵداوە لە بیرو هزری ئینقلابی و ئیسلامی لەناوچە نابوود کات ، بەڵام گەنجەکان و پیاوانی دیندار و پڕ لە خۆڕاگری ، بە نەهێشتنەوەی لووی شێرپەنجەیی تەکفیری داعش، چۆکیان بە دوژمنان داداوە و چەمک ومانای " ئێمە دەتوانین" جارێکی تر بۆ هەمووان سەلماند.
حەزرەتی ئایەتوڵڵا خامنەیی بەیانی ئەمڕۆ (چوارشەممە) لە دیداری هەزاران کەس لە بەسیجییەکانی سەرانسەری ئێران، بەڕاشکاوی فەرمووی: کۆماری ئیسلامی ،بەیارمەتی و هیدایەتی پەروەردگار و بە بێداری و وشیاری ئیمام خۆمەینی (رە) و هەوڵ وتێکۆشانی گەل توانی ئیسلامێک کە وەک ئاواتی موسولمانەکانە لە تەشکی نزامێکی سیاسی بێنێتە دی و بناغەی سەرەتایی ڕۆبنێ .
ڕێبەری مەزنی شۆرشی ئیسلامی، بە گوێرەی ئایاتی قورئانی کەریم، ڕاوەستان لە ڕێگای خوداوەندی ، هەم هۆی سەوابی ڕۆژی پەسڵان و هەم هۆی پاداشتی دونیایی واتە مەزنایەتی و پێشکەوتن زانی و فەرمووی: کۆماری ئیسلامی ئێران ٣٨ ساڵە گیرۆدەی دوژمنکاریی ئیستەکبار و زایۆنیزم و دەمارگرژان بووە، بەڵام ئەمڕۆکە سەدان یان ڕەنگە هەزاران بەرامبەر، لە سەرەتای شۆرش پێشکەوتوو تر و بەدەستەڵاتدارترە وئەوە ، مانای پاداشتی دونیایی، ڕاوەستاوەیی و خۆڕاگرییە .
حەزرەتی ئایەتوڵڵا خامنەیی ، کاریگەریی بەرەی گەنج و دینداری ئێران لە ناوچەکەی سەرەڕای نەدیتن و ئاشنانەبوون و تێنەگەییشتن لە سەردەمی ئینقلاب وئیمام خۆمەینی (رە) و بەرەڤانی پیرۆز، لە پەرجووەکانی شۆرشی ئیسلامی زانی و فەرمووی: ئێوە گەنجەکان توانیتان چۆک بە ئەمریکای مۆستەکبێر دادەن و شکستی بدەن.
ڕێبەری مەزنی شۆرشی ئیسلامی، هۆکاری ڕاستەقینەی نابوودی و بەرپەرچدانەوەی لووی شێرپەنجەیی داعشی روحیە و هەستی بەسیجی زانی و فەرمووی: دوژمنان هەوڵیان دا بە هۆی تاقمی تەکفیری نائینسانی، رووداوێک دژی ڕەوتی موقاومە بەدی بێنن، بەڵام گەنجە دیندارەکان، بە شەوق و خوولیا هاتنە گۆرەپانی مۆجاهیدەت و تێکۆشان و چۆکیان بە دوژمن داداوە.
حەزرەتی ئایەتوڵڵا خامنەیی ، بەڕاشکاوی فەرمووی چەند پیلانی پەیتا پەیتا ی ئەمریکا ، زایۆنیزم و کۆنە پەرەستان لە ناوچە بە هۆی مەزنایەتی کۆماری ئیسلامی پووچەڵ کرایەوە کە یەکێ لەوان نابوودی داعشە.
ڕێبەری مەزنی شۆرشی ئیسلامی، نابوودی ئەو گرووپە تەکفیرییە نائینسانییەی بە هەوڵی گەنجەکان و پیاوانی دیندار و هەوڵی کەسانێ کە موقاوەمەیان قەبوولە وەک کارێکی مەزن زانی و وتیشی: لە ژماریک لە وڵاتانی دراوسێش بروایان بە توانایی نابوود کردنی داعش نەبوو بەڵام کاتێک هاتنە گۆڕەپان، سەرکەوتنیان بەچاوی خۆیان بینی وبروایان بە پەیامی ئینقلابی ئیسلامی " یانی ئێمە دەتوانین"هێنا .