دیداری وەزیرانی دەرەوەی ئێران و تورکیا لە تاران
شوبات 07, 2018 19:03 Asia/Tehran
وەزیری کاروباری دەرەوەی تورکیا کە بە سەرۆکایەتیی شاندێکی سیاسی سەردانی تارانی کردووە، ڕۆژی چوارشەممە لەگەڵ وەزیری کاروباری دەرەوەی ئێران دیدارو وتووێژی کرد.
مەولوود چاووش ئوغلو وەزیری کاروباری دەرەوەی تورکیا و موحەممەد جەوادی زەریف وەزیری دەرەوەی ئێران لەم دیدارەدا سەبارەت بە ڕێگای جۆربەجۆری بەهێزکردنی پەیوەندییە دوو قۆڵییەکان بە تایبەت لە بواری ئابووری و ڕۆشنبیری دا بیروڕایان گۆڕییەوە.
وتووێژ لە بارەی ڕەوشتی ناوچەکە لەوانە پێ و شوێن گرتنی ئەنجامی کۆبوونەوەکانی ئەم دواییەی سوچیی ڕووسیا لەمەڕ سووریا لەو تەوەرانەی دیکەی وتووێژی وەزیرانی دەرەوەی ئێران و تورکیا بوو.
مەولوود چاووش ئوغلو بڕیار وایە لەم سەردانەی دا چاوی بە حەسەن ڕۆحانی سەرۆک کۆماری ئێرانیش بکەوێت و وتووێژی لەگەڵدا بکات.
