ئاب 17, 2018 19:33 Asia/Tehran
  • جێگری وەزیری بەرگریی ئێران : ئێران دەسپێکەری شەڕ نیە

جێگری وەزیری بەرگری و پشتیوانیی هێزە چەکدارەکانی ئێران وێڕای جەخت کردن لە سەر ئەوەی کە هاوکات لە گەڵ هەڕەشەکانی دوژمن ، کەرەستەی جەنگی، مووشەک و سیستمی بەرگریی پێشکەوتوو لە وڵاتدا ساز کراوە جەختی کرد : کۆماری ئیسلامیی ئێران هیچکات دەسپێکەری شەڕ نیە بەڵام بەرگریکارێکی باشە و هەر دەسدرێژکارێک پەژیوان دەکاتەوە .

 بە گوێرەی ڕاپۆڕتی ئیرنا ، سەردار سەرتیپ قاسم تەقی زادە لە وتەگەلێک دا بەرلە خوتبەکانی نوێژی هەینیی  قوم لە باشووری تاران وتی : ئەمڕۆ  هێزە چەکدارەکانی ئێران زاڵ بووە بەسەرهەموو ئیمکاناتی  تەکنولۆژی و تەکنیکیی  دوژمن  و سەبارەت بە  تواناییەکان و خاڵە لاوازەکانیان  لە ڕەهەندی تەکنیکی  و تاکتیکیەوە زاڵن . سەرتیپ تەقی زادە ، سازکرانی  جۆرەکانی مووشەک بە بوردی کورت و درێژی زەوی بۆ زەوی ، سازکردنی مووشەکی کرووز بە بوردی 2 هەزار کیلومەتر ، سازکرانی  سەکۆی هەویشتنی مووشەک ، سازکرانی جۆرەکانی فڕۆکەی بێ سەرنشین و بەهێز کردنی فڕۆکە بۆمب هاوێژەکانی نێوخۆیی، سازکرانی  جۆرەکانی تانک و تڕوموبیلی زرەێدار، ساز کرانی جۆرەکانی گەمی و پاپۆڕی شەڕکەر ، ناسینی  تواناییەکانی دوژمن لە شەڕی ئەلکترونیکیی لە تواناییەکانی هێزە چەکدارەکانی ئێران بۆ بەرەنگار بوونەوەی هەڕەشەی دوژمن ڕاگەیاند . جێگری وەزیری  بەرگری و پشتیوانیی  هێزە چەکدارەکانی ئێران بە وتنی ئەوەی کە زۆرێک لە تواناییەکانی بەرگریی کۆماری ئیسلامیی ئێران نهێنیە و لە گۆڕەپانی شەڕ  بۆ دوژمنەکان دەردەکەوێت  وتیشی : بێ گومان بە هۆی  توانایی  بەرگریکارانەی  ئێران  ، ئەمریکا لە گەڵ ئێراندا شەڕ ناکات .

سەرپەیڤ