هەڵکشانی ئاستی هەناردەی ئێران بۆ ئێراق
بایەخی هەناردەی ئێران بۆ ئێراق لە ماوەی هەشت مانگی ڕابردوو نزیکەی شەش ملیار و ٧٥٧ ملوێن دۆلار بووە کە لە چاو هەر ئەو ماوەیەی ساڵی رابردوو ٦٦% زیاتر بووە.
بە پێی ڕاپۆرتی ئیرنا؛ ڕادەی هەناردەی غەیرەنەوتیی ئێران بۆ ئێراق لە هەشت مانگی ڕابردوودا بە ٧٥ ملوێن و ٢٧٠ هەزار تەن ڕاگەیەندراوە.
ئێراق لە ساڵانی رابردوودا بەردەوام دووەم بازاری شت و مەک و ڕاژەکاریی هەناردەی ئێران بووە و پاش داگیرکرانی لە لایەن ئەمریکاوە زۆرێک لە پێداویستییەکانی ئێراق لە بەشی خۆراک، مەشینی سەنعەتی، کارەبا و گازی سرووشتیی لە ئێرانەوە دابین دەکرێ.
گرینگترینی ئەو شت و مەکانەی لە ئێرانەوە هەناردە دەکرێن بۆ ئێراق بریتین لە پارچە و کەرەستەکانی توربینی بوخار، "لاپەڕە، پەیجی ناسک و شریتی لاستیکی"، شیرەمەنییەکان لەوان "شیر"، "پەنیر"، "سەرشیر" و "ئایسکرێم" و کەرەستەی نێوماڵ، هەموو چەشنەکانی مادەی پاک کەرەوە، هەموو چەشنە مێوە ، سەوزە و تەڕەکاڵ.
