سەفەری شاندی پلەبەرزی ئێران بە سەرۆکایەتی زەریف وەزیری دەرەوە بۆ ئێراق
موحەمەد جەواد زەریف وەزیری دەرەوەی کۆماری ئیسلامی ئێران لە سەرووی شاندێکی پلەبەرزدا ئەمڕۆ یەکشەمە گەیشتە بەغدای پێتەختی ئێراق .
بە گوێرەی ڕاپۆڕتی ئیرنا ، وەزیری دەرەوەی ئێران لەو سەفەرە چوار ڕۆژەیەدا و دیدار لە گەڵ کاربەدەستانی ئێراقی و هەروەها بەشداری لە چەن دانیشتنی هاوبەشی ئابووری دوانیوەڕۆ ی یەکشەمە گەیشتە بەغدا و لە لایەن نەزار خیڕوڵڵا قایم مەقامی وەزری دەرەوەی ئێراق پێشوازی لێکرا . موحەمەد جەواد زەریف بڕیارە لەو سەفەردا جگە لە وتووێژ لە گەڵ هاوتای ئێراقی خۆی هەروەها لە گەڵ بەرهەم ساڵح سەرۆک کۆمار ؛ عادڵ عەبدولمەهدی سەرۆک وەزیر ؛ موحەمەد ئەلحەلبووسی سەرۆکی پەرلەمانی ئێراق دیدار و وتووێژ بکات . بەشداری لە دانیشتنی گەورەی ئابووری بە ئامادە بوونی چالاکانی ئابووری دوو وڵات لە بەغدا و دانیشتنی ئابووری سەرمایەنانەوەی ئێران و ئێراق لە شاری کەربەلا و هەروەها سەفەر بۆ هەولێر و سلێمانی لە هەرێمی کوردستانی ئێراق و دیداری وتووێژ لە گەڵ کربەدەستانی کوردی ئێراقی لە بەرنامەکانی سەفەری چوار ڕۆژەی زەریف بۆ ئێراقە . بەرلە سەفەری زەریف بۆ ئێراق بیژەن نامدار زەنگەنە وەزیرینەوتی کوماری ئیسلامی لە سەفەری یەک ڕۆژەی بۆ بەغدا لە گەڵ بەرپرسانی پلەبەرزی ئێراق سەبارەت بە ڕێ و ڕەسمی دوو لایەنە بە تایبەت هاوکاری لە بەشی وزە وتووێژیان کرد .