ئامادەیی ئێران بۆ بنیاتنانەوەی سووریا بە گواستنەوەی تەکنولۆژیای نوێ
سەرۆکی کومیسیونی ئاسایشی نیشتمانی و سیاسەتی دەرەوەیی مەجلسی شورای ئیسلامی ئێران ئامادەیی تارانی بۆ گواستنەوەی تەکنولۆژیای نوێ بۆ سووریا بە مەبەستی بنیاتنانەوەی ئەو وڵاتە ڕاگەیاند .
بە گوێرەی ڕاپۆڕتی ڕۆژی دووشەمەی ئیرنا حشمەتوڵڵا فەلاحەت پیشە " سەرۆکی کومیسیونی ئاسایشی نیشتمانی و سیاسەتی دەرەوەیی مەجلیسی شورای ئیسلامی ئێران لە دیداری فەیسەڵ ئەلخوری سەرۆکی کومیسیونی ئاسایشی نیشتمانی و سیاسەتی دەرەوەیی پەرلەمانی سووریا لە دیمەشق وێڕای ئاماژە بە گرینگایەتی پەیوەندی دوو لایەنە لە دۆخی هەستیاری هەنووکەییدا هیواداری دەربڕی : سەرکەوتنی سووریا بە سەر تڕوڕیزم سەرکەوتنگەلی ئابووری بە دواوە بی . فەیسەل ئەلخوری سەرۆکی کومیسیونی ئاسایشی نیشتمانی پەرلەمانی سووریاش لەو دیدارەدا وێڕای جەخت کردن لەسەر قوول بوونی پەیوەندی مێژوویی ئێران و سووریا و لاگری دوو وڵات لە یەکتر لە هەمبەر قەیرانە دەرەوەییەکان وتیشی : ئامانجی سەفەری شاندی ئێرانی بۆ دیمەشق بو پتەو بوونەوەی پەیوەندیە پەرلەمانیەکانی نێوان دوو وڵات ، بەئاکام دەگات . شاندی پەرلەمانی ئێران بە سەروکایەتی حیشمەتوڵڵا فەلاحەت پیشە ڕۆژی یەکشەمە سەردانی سووریای کرد . شاندی پەرلەمانی ئێران لەو سەفەرەدا بڕیارە وێڕای دیدار لە گەڵ کاربەدەستانی سیاسی سووریا سەبارەت بە پەرەی هاوکاری پەرلەمانی و بەرزبوونەوەی پەیوەندیەکانی نێوان ئێران و سووریا دوای شکستی گرووپی تڕوڕیستی داعش وتووێژ بکات .