ئادار 26, 2019 19:30 Asia/Tehran
  • زەریف ڕوولە عەرەبستان : هێشتا بۆ ڕاگرتنی شەڕی یەمەن درەنگ نیە

وەزیری دەرەوەی ئێران عەرەبستان و هاوپەیمانەکانی ئاگادار کردەوە کە هێشتا بۆ ڕاگرتنی مۆتەکەی سەرچاوەگرتوو لە شەڕی یەمەن درەنگ نەبووە .

بە گوێرەی ڕاپۆڕتی ڕۆژی سێشەممەی هەواڵدەریی  ڕادیو تەلەفیزونی ئێران موحەمەد جەواد زەریف وەزیری دەرەوەی  ئێران لە  پەیامێکدا لە توئیتر   ڕوولە عەرەبستان و هاوپەیمانەکانی  نووسی : عەرەبستانی  سەعوودی و هاوپەیمانەکانی گەڵاڵەی ئاشتیی ئێران بۆ یەمەن  لە ئاوریلی 2015 یان ڕەت کردەوە  و بانگەشەیان کرد   کە سەرکەوتن لە ماوەی  سێ هەفتەدا مسۆگەر دەبێت  . زەریف وتیشی : لە دەسپێکی  پێنجەمین ساڵی ئەو شەڕەدا دەبێ  بوترێ کە بۆ ڕاگرتنی  ئەو شەڕە هێشتا زۆر درەنگ نیە .

عەرەبستان بە لاگریی ئەمریکا  ئیمارات  و چەن وڵاتی دیکە  لە 26 مارسی 2015 دەستی کردووە بە دەسدرێژکاریی  سەربازی بۆ سەر یەمەن  و گەمارۆی  زەوینی  دەریایی  و ئاسمانیی  ئەو وڵاتە .  شەڕنانەوەی  عەرەبستان و هاوپەیمانەکانی  لە یەمەن تا ئێستا بووەتە  هۆی کوژرانی زیاتر لە  شازدە هەزار یەمەنی  و بریندار بوونی  دەیان هەزار کەس و ئاوارە بوونی  ملوێنان یەمەنی  . ڕژیمی سەعوودی و هاوپەیمانەکانی بە هۆی خۆڕاگریی خەڵکی یەمەنەوە  هێشتا نەیانتوانیوە بگەنە  ئامانجەکانی خۆیان لەو وڵاتەدا .

سەرپەیڤ