نیسان 17, 2019 21:27 Asia/Tehran
  • سپای پاسداران: یەکێتیی ئەرتەش و سوپا، دەستەبەری ئاسایشی ئێرانە

سپای پاسدارانی ئینقلابی ئیسلامی لە بەیاننامەیەک دا وێڕای ڕ ێزگرتن لە ڕۆژی ئەرتەشی کۆماری ئیسلامی ئێران ،یەکێتی ئەرتەش و سوپای بە دەستەبەرکەری ئاسایشی نەتەوەیی و لەشکان نەهاتوویی سیستمی بەرگریی ئێران، زانی .

هەژدەی ئاڤریل  بە ئامانجی ڕێزگرتنی لەخۆبوردوویی و خۆڕاگریی هێزی ئەرتەشی کۆماری ئیسلامیی ئێران، ڕۆژی ئەرتەش ناودێر کراوە.

بەپێی ڕاپۆرتی سپا نیووز، سپای پاسدارانی ئینقلابی ئیسلامی ڕۆژی  چوارشەممە لەم بەیاننامەیەدا وێڕای ئاماژە دان بە ڕووداو و کارەساتەکانی  چوار دەیەی ڕابردوو لە بواری بەرگری و ئاسایشی، ناوخۆیی و ناوچەیی دەڵێت : ئەم ڕووداوانە وەبیرهێنەرەوەی  قەیرانی نیزامی پاوان و زایونیزم بەسەرکردەیی ڕژێمی  تیرۆریستیی ئەمریکا بە دژی ئێرانی ئیسلامی و گەلانی  ناوچەیە.

ئەم بەیاننامەیە دەڵێت ، ئەوەی دەستەبەرکەری ئاسایشی پاوەجێ  و بێ وێنەی ئێرانی ئیسلامییە، لەخۆبوردویی و دەورگێڕانی چارەنووس ساز و بەهێزی هێزە چەکدارەکانی کۆماری ئیسلامیی ئێران بە تایبەت ئەرتەشی بوێر و بەخیرەت بووە.

ئەم بەیاننامەیەدا لە درێژەش دا وێڕای ئاماژەدان بە پێشکەوتنی سەرنج ڕاکێشی  ئەرتەشی ئێران لە بواری جۆربەجۆری بەرگری و دەسڕاگەیشتن  بە تەکنۆلۆژی نوێ و بەرەڤانی، رایگەیاندووە: ئەم  بارستایە کە بە پشت بەستن بە ورەی بڕوا بە خۆ بوون و توانایی خۆجێیی بە دەست هاتوە، ئەرتەشی کۆماری ئیسلامیی ئێرانی  کردووە هێمای پێش پێ گرتن و خاڵی پاوەجێیی و ئاسایشی وڵات.

سپای پاسدارنی ئینقلابی ئیسلامی لە بەیاننامەکەی دا  وێڕای پێداگری لەسەر ئەوەی دەسەڵاتدارانی پاوانخواز بە تایبەتی ئەمریکای تاوانکار و تیروریست پەروەر، لە پێ و شوێن گرتنی ئامانج و سیاسەتەکانی ناوچەییان دا بەرەوڕووی بن بەست بوونەتەوە وتی :  هێزەچەکدارەکانی کۆماری ئیسلامیی ئێران بەتایبەتی ئەرتەش و سوپا، بە زاڵ بوونی هەواڵگری هەمەلایەنە بەسەر هەڕەشەکانی بەردەمی نیزامی ئیسلامی، ئەگەری هەرچەشنە هەوڵێک و ماجەراجووییەک لەلایەن دوژمنانی لەناوبردووە و توانایی وڵامدانەوەی بەبڕشتانە و پەشیمان کەرەوەی خۆی   داناوە بۆ کاردانە و هەوڵی خێرا بە دژی ئەوان.