جەھرۆمی: پێکھاتنی بازاڕی ناوچەیی لە بواری تەکنۆلۆژیای زانیاری گرینگترین ئامانجی کۆبوونەوەکانی تارانە
وەزیری پەیوەندی و تەکنۆلۆژیای زانیارییەکانی ئێران پێکھاتنی بازاڕی ناوچەیی لە بواری تەکنۆلۆژیای زانیارییەکانی بە گرینگترین ئامانجی کۆبووەنەوە چوار قۆڵییەکەی ئێران، تورکیا، کۆماری ئازەربایجان و ڕووسیا ڕاگەیاند.
بەپێی ڕاپۆرتی هەواڵدەریی ڕادیۆو تەلەفزیۆنی ئێران ، «موحەممەد جەواد ئازەریی جەھرۆمی» وەزیری پەیوەندی و تەکنۆلۆژیای زانیارییەکانی ئێران ، دوای کۆبووەنەوە چوار قۆڵییەکەی ئێران، تورکیا، کۆماری ئازەربایجان و ڕووسیا لە نێو کۆڕی پەیامنێراندا وتی: بە سەرنجدانی ئاڵ و گۆڕە ئابوورییەکانی دنیا ھاوکاریی ھاوبەش لە بواری ئابووریی دیجیتاڵ دا گەلێک گرینگە.
«ئازەریی جەھرۆمی» وەزیری پەیوەندی و تەکنۆلۆژیای زانیارییەکانی ئێران وێڕای پێداگرتن لە سەر پێویستیی ھاوکاریی زیاتری نێوان کەرتە تایبەتییەکانی وڵاتانی ناوچەکە لە بواری تەکنۆلۆژیا، وتیشی: ئەم ھەنگاوە لەپاش ئامادە کرانی ئامانجە ستراتژییەکان مسۆگەر دەبێت.
کۆبووەنەوەی چوار قۆڵیی وەزیرانی پەیوەندییەکانی ئێران، تورکیا، کۆماری ئازەربایجان و ڕووسیا ڕۆژی چوارشەممە لە تاراندا بەڕێوە چوو.
