May 24, 2020 13:17 Asia/Tehran
  • کاردانەوەی وەزیری ناوخۆی ئێران بە بایکۆتکرانی لە لایەن ئەمریکاوە

وەزیری ناوخۆی ئێران لە کارادنەوە بە بایکۆتکرانی لە لایەن ئەمریکاوە، وتی: ئەمریکا هەموو گەلی ئێرانی لە هەلومەرجی دژواری کۆرۆناییدا بایکۆت کردووە .

 

 عەبدوڕەزا ڕەحمانی فەزلی لە پەیوەندی تەلەفونی لە گەڵ "سولەیمان سۆیلو"ی وەزیری ناوخۆی تورکیا، وێرای ئاماژە بە تۆمارکرانی ناوی لە لیستی  بایکۆتە نوێیەکانی ئەمریکا، وتی: ئەمریکا دەیەوێ بە هەر چەشنێک بێت دەستێوەردان لە کاروباری ناوخۆیی وڵاتانی دیکە بکات و گەمارۆکانیشی بە هۆی شکست هێنانی لەبابەتی ئاژاوەنانەوە و شەڕی ناوخۆیی لە ئێرانە.

ڕەحمانی فەزلی وێرای پێداگریی لە سەر لە ئاسایشی ناوخۆیی ئێران بۆ خەڵکی وڵات، حکومەت و رێبەری، جەختی کردەوە: ئەمریکا هەموو گەلی ئێرانی لە هەلومەرجی دژواری کۆرۆناییدا باکۆت کردووە  و من و فەرماندەکانی هێزی  پۆلیسیش بەشێک لەو خەڵکەین.

وەزیری ناوخۆ هەروەها پاڵپشتییەکانی ئەمریکا لە تیرۆریزمی ناوچەیی ئیدانە کرد و خوازیاری هەوڵی وڵاتانی ناوچەکە بۆ  دەستەبەرکردنی زیاتری ئاسایشی ناوچە و چڕترکردنی پەیوەندییە سیاسی، ئابووری و ئەمنییەکان بوو.

شایانی باسە لەو پەیوەندییەدا  وەزیری ناوخۆی تورکیاش  بایکۆتکرانی وەزیری ناوخۆی ئێران لە لایەن ئەمریکای بە  کارێکی نادروست زانی و وێرای ئیدانەکردنی ئەو  کارە  ، وتی:  ئێمە لە پەنای ئێوەین و پێداگرین لە  سەر هەڵوێستەکانمان.