دادگای ئەوروپا پێداچونەوە بەدۆسیەی سەڵاحەدین دەمیرتاش دەکات
ئادار 20, 2019 11:29 Asia/Tehran
دوای ئەوەی دادگای مافەکانی مرۆڤ لە ئەوروپا داوای پێداچونەوەی بریاری دەستگیرکردنی سەڵاحەدین دەمیرتاشی لە تورکیا کرد، بەڵام بەهۆی ئازادنەکرنی دەمیرتاش پارێزەرەکانی داوایانکرد دادگای ئەوروپا جارێکی بەدۆسیەکەدا بچێتەوە.
رۆژی سێشەممە 19ی ئازاری 2019، دادگای مافەکانی مرۆڤ لە ئەوروپا داوایەکی پارێزەرانی سەڵاحەدین دەمیرتاش هاوسەرۆکی پێشووی پارتی دیموکراتی گەلان (هەدەپە)ی پەسەندکرد دەربارەی بەدواداچونی بریارێکی دادگای ئەوروپا بۆ ئازادکردنی دهمیرتاش و بریاریدا دوبارە دۆسیەکە هەڵبسەنگێنێتەوە.
پەسەندکردنی داواکاری پارێزەرانی دەمیرتاش لە کاتێکدایە، ئاژانسەکانی نزیک لە حکومەتی تورکیا بڵاویانکردەوە، رۆژی سێشەممە دادگای ئەورپا داوایەکی نوێی تورکیای پەسەندکردوە بۆ تەمیزکردن و دووبارە پێداچونەوە بە بریاری ئازادکردنی دەمیرتاش.