ئه‌یلوول 19, 2017 17:15 Asia/Tehran
  • سەرۆک وەزیرانی میانمار دوای بێدەنگە کردنێکی درێژخایەن توندوتیژییەکانی راخینی ئیدانە کرد

سەرۆک وەزیرانی میانمار کە وڵاتەکەی ئەم دواییانە بەکوشت و بڕی بەربڵاوی موسوڵمانانی روهینگیا لەم وڵاتە و رووخاندنی ماڵی ئەوان بووەتە هۆی ناڕەزایەتی جیهان ، بێ دەنگە کردنی کارەساتباری خۆی بەرامبەر تاوانکاری بە دژی موسوڵمانانی روهینگیا شکاند و وتی : توندوتیژییەکان لە راخین ئیدانە دەکەم .

بەپێی ڕاپۆرتی  ئیسنا،  ئان سانگ  سوچی  سەرۆک وەزیرانی  میانمار ئەمڕۆ دوای  بێ دەنگە کردنێکی درێژخایەن لە وتاردانێک دا  توندوتیژییەکان و  کردەوەی بنپێکەرانەی مافی مرۆڤ لە راخینی  ئیدانە کرد و وتی :  هۆکارانی توندوتیژییەکان بە پێی یاسا سزا دەدرێن  .

ئانگ سان  سوچی، سەرۆک وەزیرانی میانمار  کە بەرلەمە خەڵاتی ئاشتی نۆبێلی  وەرگرتبوو   و سەردەمێک خۆی بە لایەنگری   دیمۆکراسی لە میانمار ناساند بوو  لە یەکەمین وتاردانی دا لە کاتی پەلامارەکان لە راخین و کۆچی  بەکۆمەڵی  موسوڵمانانی روهینگیایی  بۆ دەرەوەی وڵات، وتی :  میانمار  لە لێکدانەوەی راست و دروستی  کۆمەڵگەی  نێونەتەوەیی سەبارەت بە ڕووداوەکانی  ئەم دواییەی راخین ناترسێ و بەدوای ڕێگەچارەیەکی شیاوە بۆ ئەم تێکهەڵچوونانە.

سەرۆک وەزیرانی میانمار  ئیدیعای  کرد گوندە موسوڵمان نشینەکانی راخین  نەکەوتوونەتە ژێر کارتێکەری توندوتیژییەکان لە میانمار .  داوا لە  دیپلۆماتەکان دەکەم بێن و بۆ خۆیان بیبینن.

ئەم قسانەی سەرۆک وەزیرانی میانمار لە حاڵێکدایە کە لە ماوەی چەند حەوتەی ڕابردوو  سەدان هەزار موسوڵمانی روهینگیایی لەبەر زوڵم و توندوتیژی هێزی ئاسایشی سوپا  و بودائییەکانی میانمار لە ناوچە موسوڵمان نشینەکانی  میانمار لەم وڵاتە  هەڵاتوون  و زۆرێک لەوان لە ڕێگای هەڵاتن لە وڵاتەکەیان لە ناوچەکانی سنووری لە ڕێگەکانی ئاوی و دارستان دا گیانیان لە دەست داوە و یان بێ سەروشوێن بوونە.

بۆ سەلماندنی ڕەوشی نالەبار و پڕمەترسی  خەڵکی موسوڵمانی میانمار ، هەر ئەوەی کە وێنەی  خەڵکی ئەم وڵاتە  ببینین  بەسە کە لە ئوردوگاکانی کاتی لە بەنگلادش دەژین و بزانن  موسوڵمانانی میانمار لە بەنگلادش  دوای بارینی باران لە یەکێک لە ئوردوگاکان لە چ بارودۆخێک دان .

سەرپەیڤ