نوێنەرانی سێ وڵاتی دەستدرێژکار بۆسەر سوریا: دیسان ئامادەین پەلامار بکەینەی سەر ئەم وڵاتە
نوێنەرانی ئەمریکا، بەریتانیا وفەرەنسا لە کۆبوونەوەی ڕێکخراوی نەتەوەکان وێڕای بەرگری کردن لە دەستدرێژی نایاسایی خۆی بۆسەر سوریا ئیدعایان کرد ئەگەر پێویست بێت ، دیسانیش پەلامار دەکەینە سەر ئەم وڵاتە .
بەپێی ڕاپۆرتی ئیرنا، نیکی هێیلی نوێنەری ئەمریکا لە نەتەوەیەکگرتووەکان ڕۆژی شەممە لە کۆبوونەوەی نائاسایی ئەنجومەنی ئاسایشی ئەم ڕێکخراوەیە کەلەسەر داوای ڕووسیا و لە کاردانەوە بەرامبەر هەوڵی نایاسایی و یەک لایەنەی ئەمریکا، بەریتانیا و فەرەنسا بە دژی دەسەڵات و سەروەری خاکی سوریا بەڕێوە چوو، وتی : ئەمریکا و هاوپەیمانانی بەیانی شەممە دامەزراوەکانی شیمیایی سوریایان داوەتە بەر پەلامار و ئەگەریش پێویست بێت دیسان ئەم پەلامارە دووپات دەکەینەوە .
هەیلی کە وڵاتەکەی هەمووکات لایەنگری تیرۆریست بووە و بۆ چەندەمین جار بۆسەر وڵاتانی سەربەخۆ پەلاماری سەربازی یەک لایەنەی هەبووە، ئیدیعای کرد : ئەمریکا و هاوپەیمانانی هەر کارێک کە پێویست بێت لە بواری دیپلۆماسی ئەنجامیان داوە هەتا بەرنامەی چەکی شیمیایی لە سوریا ، بوەستێ.
کارێن پیرس ، نوێنەری بەریتانیا لە نەتەوەیەکگرتووەکانیش لەم کۆبوونەوە وێڕای پاسادانی دەستدرێژی سەربازیی ئەمریکا، فەرەنسا و بەریتانیا بۆسەر دیمەشق، ئیدیعای کرد: لەندەن هەموو هەوڵی خۆی ئەنجام داوە کە زیانێک لە خەڵکی سیڤیل نەکەوێت .
پیرس بە ئاماژەدان بەمەی سوریا هەموو چەکی شیمیایی خۆی لەناونەبردووە لە وتاردانێکی گاڵتەجاڕانە ئیدیعای کرد کە هاوڕێ لەگەڵ فەرەنسا و ئەمریکا بۆ گەیشتن بە ڕێگەچارەی سیاسی لە سوریا هەوڵ دەدات.
ئەمریکا و هاوپەیمانانی بەیانی ڕۆژی شەممە بەبیانووی پەلاماری شمیایی لە دوومای سوریا، دیمەشقی پێتختی سوریایان دایە بەر پەلاماری مووشەکی و ئاسمانی .