رێوشوێنی ئوروپا بۆ بەرنگاربوونەوەی نرخنامەکانی ئەمریکا
کۆمیسیۆنی ئوروپا رێوشوێنی تایبەتی گرتە بەر بۆ بەرنگاربوونەوەی هەنگاوی ئەمریکا بۆ دانانی نرخنامە دژی هاوردەی پۆڵا .
بەپێی راپورتی سپوتنیک ، کۆمیسۆنی ئوروپا رۆژی چوارشەممە بە بڵاوکردنەوەی بەیاننامەیەک رایگەیاند رێشوێنی تایبەتی بۆ پاراستنی بەرژەوەندیی تیجاریی وڵاتانی ئوروپایی لە دژی نرخنامە راگێندراوەکان لە لایەن ئەمریکاوە لە دژی هاوردەی پۆڵا گرتووەتە بەر و جێبەجێی کردووە .
لەم بەیاننامەیەدا هاتوە کە ئەم رێوشوێنانە بە ئامانجی بەرنگاربوونەوەی نرخنامە گەلێکە کە لەم دواییانەدا لە دژی هاوردەی پۆڵای ئوروپا دانراوە و بڕیارە لە سبەی پێنجشەممەوە حێبەجێ بکرێ .
ژان کلۆد یوونکێر سەرۆکی کۆمیسۆنی ئوروپاش بە رەخنە گرتن لە سیاسەتە تیجاریەکانی ئەمریکا رایگەیاند ، یەکیەتی ئوروپا سکاڵای لای رێکخراوی بازرگانیی جیهانیی بەرز کردووەتەوە .
ئەمریکا بەر لەوە نرخنامەی قورسی لە دژی هاوردەی پۆڵا و ئاڵمنیۆم لە وڵاتانی جیاجیا لەوان یەکیەتی ئوروپا ، مەکسیک ، کەنەدا و چین دانا .
بروکسێل بە جاران دژایەتی خۆی لە گەڵ سیاسەتە تیجاریەکانی ئەمریکا راگەیاندووە .