شەشەمین گەڕی دانوستانە سیاسیەکانی ئێران و فەڕەنسە لە پاریس
شەشەمین خولی دانوستانە رامیاریەکانی ئێران و فەڕەنسە لە پاریس بەڕێوەچوو.
بەپێی راپۆرتی فەرمانگەی گشتیی دیپلۆماسیی میدیایی وەزاڕەتی دەرەوە ، سەید عەباسی عێراقچی یاریدەری وەزارەتی ەرەوەی ئێران بۆ کاروباری رامیاریی و گۆردۆ مۆنتاین سکرتێری گشتیی وەزاڕەتی دەرەوەی فەڕەنسە سێشەممە لە بارەی دوایین گۆڕانکاریەکانی تایبەت بە پێوەندیی دوو قۆڵیی ، جێبەجێ کردنی بەرجام و میکانیزمی نوێی داکۆکی لە ئاڵووێری تیجاری ( ئینستێکس ) بەڵێنەکانی فەڕەنسە و توندڕۆیی بیروڕایان گوڕیەوە .
یاریدەری وەزاڕەتی دەرەوەی ئێران بە ئاماژە بە جێبەجێ کرانی بە تەواوەتیی بەڵێنەکانی ئێران لە رێککەوتنی ناڤۆکیدا ، جەختی کردەوە لایەنەکانی دیکە تا ئێستا نەیانتوانیوە بەڵێنەکانی خۆیان بەجێ بێنن و لە ئەنجامدا باڵانس لە رێککەوتنی بەرجامدا نەماوە .
گۆردۆ مۆنتاین یش پێی داگرت لەسەر درێژەی داکۆکیی فەڕەنسە لە بەرجام و گوتی دیزاینی میکانیزمی تایبەتی دارایی بۆ پشتگری کردنی رێککەوتنی ناڤۆکی ئەنجام بووە .
سکرتێری گشتیی وەزاڕەتی دەرەوەی فەڕەنسە گوتیشی : پاریس هۆگری درێژەی وتووێژ لە گەڵ ئێراندایە وەک وڵاتێکی گرنگ و کارتێکەری ناوچەکە .
یاریدەری رامیاریی وەزاڕەتی دەرەوەی ئێران بۆ ئامادەبوون لە شەشەمین گەڕی وتووێژە رامیاریەکانی ئێران و فەڕەنسە ، شەوی دوشەممە لەسەر سێشەممە گەیشتە پاریس .
