دیداری لاڤرۆڤ و موگرینی لە مونیخ ، بەرجام تەوەری وتووێژەکان
سێرگی لاڤرۆڤ وەزیری دەرەوەی روسیا و فێدریکا موگرینی بەرپرسی سیاسەتی دەرەوەی یەکیەتی ئوروپا شەوی رابردو لە پەراوێزی کۆنفڕانسی ئاسایشیی مونیخ چاویان پێک کەوت و لە بارەی پرسە جیاجیاکان لەوان بەرجام وتووێژیان کرد .
بە پێی راپۆرتی ئیرنا ، وەزاڕەتی دەرەوەی روسیا رایگەیاند ، لاڤرۆڤ و موگرینی لەم دیدارەدا لە بارەی بەرجام ، ڕەوشی سیاسی و ئاسایشی جیهان ، بارودۆخی ئوکراین و ڤەنزۆئێلا ، کێشەکانی بەردەم بۆ چارەسەریی قەیرانی سوریا و دوایین گۆڕانکاریەکان لە باڵکان بیروڕایان گۆڕیەوە .
بەپێی ئەم راپۆرتە ، دوو لایەن لە دیدارەدا هەندێ لایەنی پێوەندیی روسیا و یەکیەتی ئوروپاشیان خستە بەر باس .
کۆنفڕانسی ئاسایشیی مونیخ دوانیوەڕۆی هەینی بە ئامادەبوونی زیاتر لە سەد کەس لە کاربەدەستان و کەسایەتیە سیاسی و ئاسایشی و نێودەوڵەتیەکان لەوان سەرۆکی وڵاتان ، وەزیرانی دەرەوە و بەرگریی و هەندێ کاربەدەستی نێودەوڵەتی دەستی بە کار کرد .