180 گەشتی لوفتهانزا لە سەروبەندی سەری ساڵدا هەڵوەشان
کانونی یه‌که‌م 31, 2019 08:42 Asia/Tehran
مانگرتنی ستافی فڕینی یەکێک لە کۆمپانیاکانی سەر بە فڕۆکەوانیی لوفتهانزای ئاڵمان ، بووە هۆی هەڵوەشانی نزیکەی 180 گەشتی ئەم کۆمپانیە .
بەپێی راپۆرتی دی پی ئەی ئاڵمان ، بە مانگرتنی ستافی کۆمپانیای جێرمەن وینگز لە کۆمپانیاکانی سەر بە فڕۆکەوانیی لوفت هانزای ئاڵمان ، گەشتەکانی ئەم کۆمپانیە لە سەروبەندی گەشتەکانی سەری ساڵدا پەکیان کەوت .
ئەم مانگرتنە کە بە تایبەت کاری کردووەتە سەر فڕۆکەخانەی کۆڵن - بۆن تا شەوی سەری ساڵ دەبێتە هۆی هەڵوەشانی نزیکەی 180 گەشتی نێوخۆیی لەم وڵاتەدا .
بە دوای بێ ئەنجامبوونی دانوستانەکانی سەندیکای ستافی فڕینی ئاڵمان لە گەڵ کۆمپانیای لوفت هانزا لەسەر ناکۆکیەکانی کرێکاریی ، ئەم سەندیکایە 28 ی دیسامبر لە ستاف و کارمەندانی جێرمەن وینگزی ویست بۆ ماوەی سێ رۆژ دەست لە کار هەڵگرن .
