710 بەندکراوی دیکەی تاڵیبان ئازاد کران
May 31, 2020 21:54 Asia/Tehran
حکوومەتی ئەفغانستان رایگەیاند کە لە چوارچێوەی رێککەوتنی ئاشتی ، 710 بەندکراوی دیکەی ئەندام لە بزووتنەوەکەی ئازاد کردووە.
گوتەبێژی ئەنجوومەنی ئاسایشی نەتەوەیی ئەفغانستان، جاوید فەیسەڵ لە لێدوانێکی رۆژنامەوانییدا ئاشکرای کرد کە 710 بەندکراوی دیکەی بزووتنەوەی تاڵیبانیان ئازادکراوە.
جاوید فەیسەڵ ئاماژەی بەوەیش کرد، بەمەیش ژمارەی ئەو بەندکراوانەی تاڵیبان کە لە لایەن حکوومەتی ئەفغانستانەوە ئازادکراون، گەیشتووەتە دوو هەزار و 710 کەس.
لای خۆیەوە بزووتنەوەی تاڵیبان رایگەیاند کە لە بەرامبەردا، ئەوانیش 73 دەستبەسەرکراوی دیکەیان ئازادکردووە.
لە 29ی شوباتی رابردوودا، ئەمریکا و بزووتنەوەی تاڵیبان لە دۆحەی پایتەختی قەتەر رێککەوتنی ئاشتیان ئیمزا کرد .
