رزگارکرانی بە تەواوەتیی دوورگەی ستراتژیکی خالدییەی ئێراق
هێزی ئێراقی دوورگەی ستراتژیکی خالدییە لە ڕۆژاوای ئێراقیان بە تەواوی لە دەستی تیرۆریستانی داگیرکەر ئازاد کرد .
بەپێی ڕاپۆرتی هەواڵدەریی ئەلعالەم، فەرماندەیی ئەرکانی هاوبەشی هێزی ئێراقی شەوی یەکشەممە ڕایگەیاند ئۆپراسیۆنی ئازاد کردن و پاکتاو کردنی دوورگەی خالدیە لە پارێزگەی ئەنبار بەتەواوی کۆتایی پێهاتووە و هێزی ئێراقی سەرانسەری ئەم ناوچە بەربڵاوە کشت و کاڵییەیان گرتوەتە دەستی خۆیان.
بەپێی ئەم ڕاپۆرتە زۆرتر لە حەوتسەد ئەندامی تاقمی تیرۆریستیی داعش لە ئۆپراسیۆنی رزگار کردنی دوورگەی خالدیە کوژراون .
دوورگەی خالدییە لە ژووئەنی دووهەزاروچاردەوە لە لایەن داعشەوە داگیرکرا بوو .
هەرلەم پێوەندییەدا حەیدەر عەبادی سەرۆک وەزیرانی ئێراق لە پەیامێکدا وێڕای پیرۆزبایی کردن لە خەڵکی ئێراق لەبەر رزگار کردنی ناوچەی خالدیە لە هەموو پێکهاتەکانی ئەم وڵاتە وهەوڵەکانیان ڕێزی گرت و وتی : رزگار کرانی خالدییە سەرکەوتنێکی دیکە بۆ گەلی ئێراقە.
بەپێی هەواڵێکی دیکە لە ئێراقەوە، عەشیرەتەکانی ئێراقی لە ناوچە جۆربەجۆرەکانی پارێزگەی ئەنبار و پارێزگەی نەینەوا لە باکووری ئێراق بە دژی تاقمی تیرۆریستی داعش ڕاپەڕیون و لەگەڵیان بەشەڕ هاتوون .
