کوژرانی دەیان تیرۆریستی داعشی لە باکوری ئێراق
حەشدی شەعبی ئێراق لە دوو پارێزگای باکوری وڵاتەکەی دەیان تیرۆریستی داعشی لەنێو برد .
بەپێی ڕاپۆری ئەمڕۆی کەناڵی ئەلعالەم، ئەرکانی ڕاگەیاندنی حەشدی شەعبیی ئێراق ڕایگەیاند؛ تیپی چواری حەشدی شەعبی لە باشووری شاری تەلعەفەری موسڵ، وێڕای پووچەڵ کردنەوەی پەلاماری داعش بۆسەر دوو ئاوایی کەسر مێهراب و تەل حەسانی ، سێ ئۆتۆمبیلی تیرۆریستانی سوتاندو ئۆتۆمبیلێکی بۆمب ڕێژکراو بە سەرنشینەکانی لەناوبرد.
ئەرکانی ڕاگەیاندنی حەشدی شەعبی هەروەها ڕایگەیاند: تیپی٢٩ی حەشدی شەعبی، پەلاماری چل داعشی بە چەند ئۆتۆمبیل بۆسەر ناوچەی زاویە لەباکوری سەلاحەدینی بەرپەرچ دایەوەو بیست وپێنج کەس لەوانی کوشت.
سەرچاوەیەکی ئاسایشیش بە سومریە نیوزی وت: لە هێرشی داعش بۆسەر هێزە ئاسایشییەکانی ئێراق لە ڕۆژهەڵاتی شاری رەتەبە، نزیک سنوری سوریا، دە چەکداری ئێراقی کوژران و ٢٠ کەسیش بریندار بوون.
بەپێی هەواڵێکیش لە کەرکوک، سێ کەس لە ئەندامانی گرووپی تیرۆریستیی داعش رۆژی یەکشەممە لەباشووری کەرکوک کەوتنەداوی بەرازە دڕندەکان و تێداچوون.
سوپای ئێراق لەبارودۆخی ئێستادا بۆ کۆنترۆڵ کردنەوەی لای ڕۆژاوای موسڵ لەگەڵ تیرۆریستانی داعش لەشەڕدایەو پتر لەنیوەی کەرتی ڕۆژاوای موسڵیشی ڕزگار کردووە.