رێبەری ئێزدیەکانی عێراق : با ئێزدیەکان بێنە ریزەکانی حەشدی شەعبیەوە
تەحسین سەعید بەگ رێبەری ئێزدیەکانی عێراق و جیهان لە بەیاننامەیەک دا بە رێز گرتن لە حەشدی شەعبی ، لە لاوانی ئێزدی ویست بچنە ریزی ئەم دامەزراوە سەربازیە عێراقیە .
بەپێی نوسینی ماڵپەڕی دەنگوباسی فورات نیوز ، لەم بەیاننامەیەدا هاتووە : لە لایەن خۆی و ئەنجوومەنی زانایانی ئێزدی ئەوپەڕی رێز و سپاسی قوڵی خۆم لە هێزەکانی حەشدی شەعبی دەردەبڕم کە گەورەیی و سەروەریان بۆ عێراق گەڕاندەوە .
ئەو هەروەها بە رێزگرتن لە فەتوای ئایەتوڵڵا سیستانی وتی : لە کاتی قەڵاچۆکاریەکانی داعش دەرهەق بە ئێزدیەکان ، هەڵوێستی برایانەی شیعەکان و فەتوای مێژوویی ئایەتوڵڵا عوزما سەید عەلی سیستانی بۆ بە حەرام زانینی رشتنی خوێنی ئێزدیەکان ، هەرگیز لە بیرمان ناچێتەوە .
سەعید بەگ لە کۆتایی دا گوتویەتی : ئێزدیەکان پەیوەستی حەشدی شەعبی بن چونکە هێزێکی خالسی عێراقیە تا بەرگری لە خاک و ناوچەی خۆیان بکەن .
