عەبادی : موسڵ تا چەند ڕۆژی دیکە بە تەواوەتی رزگار دەکرێ
سەرۆک وەزیرانی عێراق جەختی کردەوە هەواڵی رزگارکرانی بە تەواوەتی شاری موسڵ لە چنگی داعش لە رۆژانی داهاتوودا رادەگێندرێ .
بە پێی راپۆرتی سومەریە نیوز ، حەیدەر عەبادی سەرۆک وەزیرانی عێراق رۆژی پێتجشەممە بە هەوڵانێرانی گوت شاری موسڵ لە رۆژانی داهاتوودا بە تەواەتی رزگار دەکرێ .
لێداوانەکانی ئەو رۆژێک دوای پاشەکشەی داعش لە دەوبەری مزگەوتی نووری و تێکڕماندنی دێتە ئاراوە . ئەم مزگەوتە هەمان شوێنە کە ساڵی 2014 خوتبەی بەنێوبانگی ئەبووبەکر بەغدادی و ڕاگیەاندنی خەلافەتی ئەو لەوێ بوو .
هێزە عێراقیەکان ، پێشڕەویی لە بەشی کۆنی موسڵ درێژە پێ ئەدەن و هەوڵ ئەدەن دوای هەشت مانگ لە دەسپێکی هەڵمەتی سەربازیی ،داعشیەکان لەم شارە دەرپەڕێنن .
لە لایەکی دیکەوە حەیدەر عەبادی وەک فەرماندەری هێزە چەخدارەکانی عێراق ئەمڕۆ هەیینی لە هەڵمەتی رزگارکردنی رۆژاوای موسڵ ئاگادر کرایەوە .
نوسینگەی عەبادیش لە بەیاننامەیک دا رایگەیاند : حەیدەر عەبادی وێڕای بەسەر کردنەوەی بنکەی فەرماندەریی هەڵمەتی " نەینەوا ئەوە هاتین " لە چۆنیەتی هەڵمەتی رزگارکرانی رۆژاوای نوسڵ ئاگادار بوویەوە .
لەم بەیاننامەیەدا هەروەها هاتووە : لە دیداری سەرۆک وەزیران لە گەڵ فەرماندەری هەڵمەتی هاوبەش و دانیشتن لە گەڵ فەرماندەرانی سەربازیی و ئاسایشیی گوتی : هێزەکانی ئێمە بەم زوانە و بە تەواوەتی موسڵ رزگار دەکەن .
حەیدەر عەبادی جەختی کردەوە لەسەر گرنگایەتی پاراستنی گیانی لەشکەریان و شارومەندان و پێداگریی لەسەر نەهێشتنی ترۆریسم و رزگاترکردنی هەموو ناوچەکانی وڵات .
