ئیمزای یادداشتی تەبایی نامەی هاوکاری بەرڤانی-سەربازی لە نێوان ئێران و ئێراق
وەزیرانی بەرڤانی کۆماری ئیسلامی ئێران و ئێراق لە تاران یادداشتی تەبایی هاوکاریی بەرەڤانی- سەربازییان ئیمزا کرد.
" سەردار سەرتیپ حسەین دیهقان" وەزیری بەرگری ئێران و " سەرلەشکەر عیرفان ئەلحەیالی"Erfan al-Hiyali وەزیری بەرگری ئێراق ڕۆژی یەکشەممە لەم یادداشتی تەباییە، لەسەر اهوکاریی بەرەڤانی- سەربازی دوو وڵات لە دەڤەرە جۆر بە جۆرەکان جەختیان کردووە . پەرەی هاوکارییەکان و گۆڕینی تاقیکارییەکان لە خەبات دژی ترۆریسم و دەمارگرژیی، ئاسایشی سنوورەکان و پشتیوانییەکانی فێرکاری، لۆجێستیکی، تەکنیکی و سەربازی لە برگەکانیی یادداشتی تەبایی هاوکاریی ئێران و ئێراقە.
" سەردار سەرتیپ حسەین دیهقان" وەزیری بەرگری و پشتیوانی هێزە چەکدارەکانیی ئێران دوای ئیمزای یادداشتی تەبایی لەگەڵ وەزیری بەرگری ئێراق لە کۆری هەواڵنێران دا ، وتی: ئەم یادداشتی تەبایی نامەی هاوکاریی چوارچێوەیەکە بۆ هاوکارییەکانیی داهاتوو و بنەمایەکە بۆ پەرەی پێوەندییەکانی نێوان دوو وڵات . سەردار سەرتیپ دیهقان، هەروەها ئاماژەی کردە سەرکەوتنەکانیی ئەمدواییەی سوپا و خەڵکی ئێراق بەرامبەر تاقمە ڕەشەکووژەکان و وتیشی: درێژەی هاوکارییەکانیی ئێران و ئێراق پێش دەگرێت لە ڕوودان و دەرکەوتنی وەها ڕەوت گەلێک لە ئێراق وناوچە دا. " سەرلەشکەر عیرفان ئەلحەیالی" وەزیری بەرگری ئێراق یش وتی: یادداشتی تەبایی ئیمزا کراوە لە نێوان ئێران و ئێراق لە بواری ئاسایشی و لەچوار چێوەی قازانج و بەرژەوەندیی دوو وڵاتە. وەزیری بەرگری ئێراق ڕۆژی شەممە لە سەرووی لیژنەیەکی بەرەڤانیی لەسەر بانگێشتنیی فەرمی وەزیری بەرگری کۆماری ئیسلامی ئێران سەردانیی تارانی کردووە .