پووچەڵ کرانەوەی ئوپراسیونی تێڕۆڕیستی لە ڕۆژئاوای ئێراق
هێزە ئاسایشیەکانی ئێراقی بەریان گرت بە ڕوودانی پەلامارێکی تێڕۆڕیستی بە تڕوموبیلێکی بۆمب ئاخنکراو لە ڕوژئاوای ئێراق .
بە گوێرەی ڕاپۆڕتی هەواڵدەریی ئیسپوتنیکی ڕووسیا ئەو تڕوموبیلە ڕۆژی یەکشەمە لە ناوەندێکی پشکنین لە 60 کیلومەتری ڕۆژئاوای شاری ڕۆمادی ناوەندی پارێزگای ئەنبار ڕاگیرا . بە گوێرەی ڕاگەیندراوی ژێدەرە ئێراقیەکان شوفێری تڕوموبیلی بۆمب ئاخنکراو لە ئەندامانی تاقمی تێڕۆڕیستی داعش بووە و بۆ لێپیچینەوە گوێزرایەوە ناو بنکەی ئاسایشی .تاقمی تێڕۆڕیستی داعش زۆربەی ناوچەکانی ژێر کونتڕولی خۆی لە ڕوژئاوای ئێراق لە دەس داوە و ئێستاکە تەنیا سێ ناوچەی " عانە " ڕواە " ئەلقایم " لە ڕۆژئاوای پارێزگای ئەنبار لە چنگی ئەو گرووپە یە . تاقمی تێڕۆڕیستی داعش لە ژوئەنی 2014 کە گەیشتە ئێراق بەشگەلێک لە باکوور و ڕۆژئاوای ئێراقیان داگیر کرد و جەنایەتگەلێکی زۆریان لەو ناوچە ئەنجام دا . هێزەکانی ئێراقی لە سێ ساڵی ئەم دواییە توانیان زۆربەی ناوچەکانی ژێر کونتڕۆلی داعشیان ڕزگار بکەن .