هێزە ئێراقیەکان ناوچەگەلێکی باکووری ڕۆژهەڵاتی لشورەقاتیان ڕزگار کرد
هێزەکانی حەشدی شەعبی و یەکەکانی ئەرتەشی ئێراق ڕۆژی پێنجشەممە بەشگەلێک لە ناوچە باکووریەکانی ڕۆژهەڵاتی شورەقات لە پارێزگای سەلاحەدینیان لە چنگی تێڕۆڕیستانی داعشی ڕزگا رکرد .
بە گوێرەی ڕاپۆڕتی ڕوژی پێنجشەمەی هەواڵدەریی ڕادیو تەلەفیزیونی ئێران حەشدی شەعبیی ئێراق لە بەیاننامەیەکدا ڕایگەیاند: هێزەکانی حەشدی شەعبی و ئەرتەشی ئێراق دوای تێکهەڵچوون لە گەڵ تێڕۆڕیستانی داعشی لە ناوچەی " عەین کاوە " لە باکووری ڕۆژهەڵاتی " شورەقات " توانیان ئەو ناوچەیە لە بوونی تێڕۆڕیستان پاکتاو بکەن و لانیکەم 25 کەس لە ئەندامانی داعشیان کوشت . هێزەکانی حەشدی شەعبی و هێزەکانی کاردانەوەی خێرای ئێراق ئەمڕۆ لە گەڵ تێڕۆڕیستانی داعشی لە گوندی " کەنعووس " لە باکووری ڕۆژهەڵاتی شورەقات تێکهەڵچوون و ژۆمارێک لەوانیان کوشت و ئەو گوندەیان لە چنگی ئەو تاقمە ڕزگار کرد . هێزەکانی حەشدی شەعبیی ئێراق گوندی " حەسارۆک " لە باکووری ڕۆژهەڵاتی شورەقاتیان گەمارۆ دا . سەرچاوەیەکی خۆجێیی لە پارێزگای سەلاحەدینی ئێراقیش ئەمڕۆ بە کاناڵی سومریە نیوزی وت : دوای دەسپێکی ئوپراسیونی ڕزگارکرانی ئەیسر لە ناوچەی شورەقات سەرکردە عەرەب و بیانیەکانی داعش لەو ناوچەیەوە بەرەو حەویجە هەڵکەوتوو لە 55 کیلومەتریی ڕۆژئاوای کەرکووک هەڵدێن . حەیدەر عیبادی سەرۆک وەزیرانی ئێراق سەرلەبەیانیی ئەمڕۆ پێنجشەمە دەسپێکی ئوپراسیونی قۆناغی یەکەمی ڕزگارکرانی ناوچە بە جێ ماوەکانی ژێر کونتڕۆڵی تێڕۆڕیستانی داعشی ڕاگەیاند .
