وەزیری دەرەوەی تورکیا گەیشتە ئێراق
کانونی دوھەم 21, 2018 13:09 Asia/Tehran
وەزیری دەرەوەی تورکیا بەیانی ئەمڕۆ یەکشەممە لە سەفەری ڕەسمی خۆیدا گەیشتە بەغدا .
بەپێی ڕاپۆرتی هەواڵدەریی مێهر بە گێڕانەوە لە کەناڵی کوردی ڕووداو، مەولوود چاووش ئوغلو، وەزیری دەرەوەی تورکیا لە ئێراق بڕیارە لەگەڵ کاربەدەستانی ئەم وڵاتە سەبارەت بە پێوەندی دوو لایەنە و گۆڕانکارییەکانی ناوچە وتووێژ بکات .
بەرلەمە حەسەن تووران جێگری سەرۆکی بەرەی تورکمانیی ئێراق و ئەندامی پەرلەمانی ئەم وڵاتە ڕایگەیاند پێوەندی بەغدا - ئەنقەرە لە سای نەیارەتی تورکەکان بەرامبەر بەڕێوەچوونی ریفراندۆکی هەرێمی کوردستان، باشتربووە.
سەفەری چاووش ئوغلو بۆ ئێراق لەحاڵێکدایە کە هێزی سوپای تورکیا لە ئۆپراسیۆنێکی سەربازی دا ، بنکەی کوردەکان لەشاری عفرین لە پارێزگەی حەڵەبی سوریای داوەتەبەر پەلامار.