عەبادی: هەرچەشنە تێکهەڵچوون لە ناوچە، دەبێتە هۆی ڕوودانی تیرۆریزم
حەیدەر عەبادی سەرۆک وەزیرانی ئێراق وشداری دا هەرچەشنە تێکهەڵچوونێک لە ناوچە دەبێتە هۆی ڕوودانی تیرۆریزم .
بەپێی ڕاپۆرتی ئیرنا، حەیدەر عەبادی ڕۆژی شەممە لە ڕێ وڕەسمی ڕێزگرتنی ڕۆژی شەهید و سالڕۆژی شەهید بوونی ئایەتوڵڵا سەید محەممەد باقر حەکیم لە بەغدا وتیشی : ئەمڕۆ ئێراق جێگە و پلەی خۆی لە نێوان وڵاتانی دراوسێ و ڕۆژهەڵاتی ناڤین بە دەست هێناوە.
سەرۆک وەزیرانی ئێراق وتیشی : بەغدا داوای دامەزرانی پێوەندی بە پێی بەرژەوەندی نەتەوەیی دەکات و نابێ لەم ناوەدا، دوو دەستەیی ساز بکرێت و ناکرێت تەنیا لایەنێک لەبەر چاوبگیردرێت.
حەیدەر عەبادی هەروەها بە ئاماژەدان بە جێگە و پلەی شەهید محەممەد باقر حەکیم وتی: ئەمڕۆ ڕێگەی زانست، جیهاد، شەهادەت و هەروەها یاد و بیرەوەری زانستوەرێکی بەڕێز ،ڕێزی لێ دەگیردرێ کە زانست و کردەوەی تێکەڵ کرد و توانی خۆی بگەیەنێتە سەروەرانی ئەهلی بەهەشت.
سەرۆک وەزیرانی ئێراق وتیشی : ملهوڕی و تیرۆریزم جیاوازییەکیان لەگەڵ یەکتر نییە بەڵکوو هەردووکیان بە دوای یەک شت دان هەتا بۆ زاڵ بوون لەسەر خەڵک ، لایەنی بەرامبەریان لەبەردەم لابەن .
سەرۆک وەزیرانی ئێراق بە ئاماژەدان بەمەی درێژەی سەرکەوتنەکان، پێویستی بە یەکگرتووییە وتی : ئێراق لە هەر دوو مەیدانی بەرەنگار بوونەوەی ملهوڕی و تیرۆریزم، بە خوێن و لەخۆبوردوویی گەلەکەی ، سەرکەوت.