نیسان 20, 2018 17:09 Asia/Tehran
  • عەبادی: ئێراق بەهێزتر بووە

سەرۆک وەزیرانی ئێراق ڕایگەیاند : ئێراق لە ڕابردوودا لەباری نێونەتەوەیی و ناوچەییەوە لەبن گەمارۆ دا بوو بەڵام ئێستا بووەتە وڵاتێکی بەهێز و بەدەسەڵات.

بەپێی ڕاپۆرتی سومەریە نیووز، حەیدەر عەبادی سەرۆک وەزیرانی ئێراق لە شاری کازمەین لەگەڵ  حسێن ئیسماعیل سەدر، لە زانایانی هەڵکەوتەی  ئەم شارە دیاری کرد . 

نووسینگەی سەرۆک وەزیرانی ئێراق لە بەیاننامەیەک دا ڕایگەیاند  : دوو لایەن لەم چاوپێکەوتنەدا سەبارەت بە پێشکەوتنی ڕەوشەکە، قۆناخی  بنیات نانەوە و سەرمایەدانان کەئێراق دوای سەرکەوتن بەسەر داعش لە بەرنامەی  کاری خۆیدا دایناوە، باس و ڕاوێژیان کرد  . 

عەبادی وتیشی :  ئێمە سێ ساڵ و نیو لەمەوبەر  وادەمان دا کە مرۆڤ و زەوین لە بوونی تاقمی تەکفیری تیرۆریستی داعش پاک دەکەینەوە و ئێستا  بە یارمەتی  خودا و لەسای پێشکەش کرانی قوربانییە پاڵەوانەکان،  ئەم بەڵێنەمان  جێبەجێ کرد.

ناوبراو سەبارەت بە قەیرانی ماڵی و ئابووری  و دابەزینی  نرخی نەوت وتی :  ئێمە  کاروباری وڵاتمان بە دەستەوە گرتووە و مزومووچەی فەرمانبەران و خانەنشین کراوان  دەدەین.