کوژرانی ژومارێکی تر لە تیرۆریستان لە باکووری ئێراق
May 25, 2018 09:29 Asia/Tehran
هێزی ئێراقی یازدە تیرۆریستی دیکەیان لە باکووری ئێراق کوشت .
بەپێی ڕاپۆرتی ئیرنا، ناوەندی ئاسایشیی سوپای ئێراق ڕایگەیاند : هێزی حەشدی شەعبی و هێزی پۆلیسی ئێراق دوابەدوای تێکهەڵچوون لەگەڵ تیرۆریستان کە بەنیازی پەلامار بۆسەر گوندەکانی حەنەف و غەریب لە پارێزگەی کەرکووک لە باکووری ئێراق دان، هەمووی ئەوانیان کوشت .
بەپێی ئەم ڕاپۆرتە پێنج تیرۆریست لە گوندی حەنەف و شەش تیرۆریستیش لە گوندی غەریب کوژران.
لەم ئۆپراسیۆنە دا پۆلیسێک و هێزێکی حەشدی شەعبیش گیانیان لە دەست داوە.
سەرباری شکستی تاقمی تیرۆریستیی داعش لە ئێراق، هێشتا ژومارێک لە ئەندامانی ئەم تاقمە تیرۆریستییە لە ناوچە جۆربەجۆرەکانی ئەم وڵاتە دان و بەشێوەی پڕژو بڵاو دەست دەدەنە کردەوەی تیرۆریستی .
