عەبادی : بەبێ ئاسایش ئێراق بنیات نانرێت
سەرۆک وەزیرانی ئێراق پێداگری کرد ناکرێت بەبێ بوونی ئاسایش وڵات بنیات بنرێت و ئابووریەکەی بەهێز بکرێت.
بەپێی ڕاپۆرتی ڕۆژی شەممەی هەواڵدەریی مێهر، حەیدەر عەبادی سەرۆک وەزیرانی ئێراق لە چاوپێکەوتن لەگەڵ عەشیرە و کەسایەتییەکانی هەڵکەوتەی پارێزگەی بەسرە پێداگری کرد : دەوڵەتی ئێراق گەڵاڵەیەکی تۆکمەی بۆ بنیات نانی وڵات ئامادە کردووە ، هەر ئەو جۆرەی کە گەڵاڵەیەکی تۆکمەی بۆ سەرکەوتن بەسەر داعش ئامادە کرد و جێبەجێی کرد.
سەرۆک وەزیرانی ئێراق بە ئاماژەدان بە خۆپیشاندانی ناڕەزایەتیانەی خەڵکی شاری بەسرە وتیشی : ئامانجی دەوڵەتی ئەم وڵاتە ئەوەیە کە خزمەت بە خەڵکی ئێراق و هەروەها دانیشتوانی بەسرە بکات و بەم زووانە بودجەی پێویست بۆ خزمەتگوزاری و بنیات نانی شاری بەسرە، تەرخان دەدات.
لەماوەی چەند ڕۆژی ڕابردوودا ژومارێک لە شارومەندانی ئێراقی لە بەسرە و هەندێ شاری دیکەی ئێراق بۆ ناڕەزایەتی دەربڕین بەرامبەر ڕەوشی ئاڵۆزی خزمەتگوزاری وبێکاری خۆپیشاندانیان کرد.
عەبادی لە درێژەدا وتیشی : دەوڵەتی ئێراق ئێستاکە قۆناخی تێپەڕین لە ڕەوشی شەڕ بۆ ئاشتی تێپەڕ دەکات چونکە داعش چوار ساڵ پێش هەڕەشەکانی خۆی بە دژی ئێراق دەست پێکرد و خەڵک و دەوڵەت بە یەکگرتوویی ناوچەی خۆیان لە دەستی تیرۆریستان ئازاد کرد .
هەرلەم حاڵەدا لە بەیانی ئەمڕۆ شەممەوە ڕەوتی فڕینی فڕۆکەکانی و سەفەری ئاسمانی لە فڕگەی نێودەوڵەتی نەجەف لەباشووری بەغدا دوابەدوای کشانەوەی خۆپیشاندەران لەم فڕگەیە دەست پێکراوە و بەرپرسانی ئاسایشیی ئێراقش قەدەغەی هات و چو لەشاری نەجەفیان هەڵوەشاندەوە.
ناڕازیانی ئێراقی ڕۆژی هەینی خۆیان گەیاندە فڕگەی نەجەف و فڕینی فڕۆکەکانیان وەستادبوو .
