بەرزبوونەوەی ژوماری قوربانیانی ناڕەزایەتیەکانی ئێراق بۆ دوو کوژراوو شەست و یەک بریندار
بەرپرسێکی وەزارەتی ناوخۆی ئێراق باسی پەرەسەندنی ژوماری قوربانیانی ناڕەزایەتییەکان لە پارێزگە جۆربەجۆرەکانی وڵاتەکەی کردو وتی : لەو ناڕەزایەتیانەدا دوو کەس کوژراون و شەست و یەک کەسیش بریندار بوون.
بەپێی ڕاپۆرتی کورد پرێس، بەرپرسێکی وەزارەتی ناوخۆی ئێراق لە وتووێژی ڕۆژنامەوانی وتی: ناوەند و بنکەی پارتەکانی سیاسی لە ئێراق کە شەوی شەممە لە بەغدا لەلایەن خۆپیشاندەران لەبەغدا ئاگری تێ بەر بووە، لەوان بنکەی پارتی دەعوە، ڕەوتی حیکمەی وەتەنی، فەزیلە، فەتح و عەسائیبی ئەهل ، بۆ نۆ ناوەند پەرەی سەندووە . هەرلەم حاڵەدا ئەفسەرێکی باڵای وەزارەتی ناوخۆی ئێراقیش ژوماری کوژراوانی ناڕەزایەتییەکان لە پارێزگەکانی بەسرە، میسان، زیقار، نەجەف، کەربەلا و واسیتی دوو کوژراو و شەست و یەک بریندار ڕاگەیاند کە سی ویەک کەس لە برینداران هێزی ئاسایشی ئێراقن.
ئەم ئەفسەرە ئێراقییە وتی : لە خۆپیشاندانی شەوی شەممە لانیکەم چل شەقامی سەرەکی لەلایەن خۆپیشاندەرانەوە داخراوە و خۆپیشاندان هەتا نیوەشەو درێژەی هەبوو و هەرجارە ژوماری ناڕازیان زۆرتر دەبێتەوە.