فیلتەر کرانی تۆڕە کۆمەڵایەتییەکان لە ئێراق
ئیدارەی پێوەندیی هەرێمی کوردستانی ئێراق ڕایگەیاند: دەوڵەتی ئێراق هەموو تۆڕەکانی کۆمەڵایەتی لەم وڵاتەی فیلتەر کردووە و کەڵک وەرگرتن لە تۆڕەکانی ئینتەرنێتێشی راگرتووە.
بەپێی ڕاپۆرتی شەوی یەکشەممەی ئیرنا، ئیدارەی پێوەندی هەرێمی کوردستانی ئێراق ڕایگەیاند: دەوڵەتی ئێراق لەڕوژی شەممەوە وێڕای راگرتنی هەموو تۆڕەکانی ئینتەرنێتی ئەم وڵاتە و هەرێمی کوردستان، تۆڕەکانی کۆمەڵایەتی بەتایبەتی فەیسبووکی فیلتەر کردووە.
دوابەدوای ناڕەزایەتی جەماوەری بەرامبەر نەبوونی ئیمکانات و خزمەتگوزاری لە هەندێ پارێزگەی ئێراق دەوڵەتی ئێراق ئەم کارەی بو پێشگیری کردن لە کەڵک وەرگرتنی ناڕەوا و پەرەی ناڕەزایەتییەکان ئەنجام داوە .
ناڕەزایەتی شارومەندانی ئێراقی لەبەسرە و شارەکانی دیکەی ئێراق بەرامبەر ڕەوشی ئاڵۆزی خزمەتگوزاری وبێکاری لاوانی ئێراق ، شەشەمین ڕۆژی خۆی تێپەڕاندووە.
کەناڵی تەلەفزیونی ئەلمەیادینی لوبنانیش شەوی شەممە ڕایگەیاند لە تێکهەڵچوونی نێوان پۆلیس و ناڕازیان لە پارێزگەی میسان لە باشووری ئێراق نیزیکەی سی کەس بریندار بوونە.