نوێنەری ئایەتوڵڵا سیستانی : راژەکاری بە دروشم ناکرێ
نێونەری مەرجەعی باڵای شیعەکانی عێراق وێڕای رەخنەگرتن لە کردەوەی حکومەتی ئەم وڵاتە لە راژەکاری گەیاندن بە خەڵک رایگەیاند : خزمەت بە خەڵک بە هوتاف و دروشم ناکرێ بەڵکوو کردەوەی دەوێ .
بەپێی راپۆرتی سۆمەریە نیوز ، سەید ئەحمەد سافی نێونەری ئایەتوڵڵا سیستانی مەرجەعی باڵای شیعەی عێراق ئەمڕۆ لە وتارەکای نوێژی هەینی دا رایگەیاند : راژەکاری گونجاو و باش دەبێ لەسەر بنەمای متمانەی نێوان دوو لایەن واتە بەرپرسان و خەڵک بێ و ئەم کارە پێویستی بە کات هەیە تا مسۆگەر بێ .
لە هەمان کاتدا ، ئایەتوڵڵا سەید موحەممەد تەقی مودەڕسی لە مەرجەعە دینیەکانی عێراق ئەمڕۆ هەینی بە دەرکردنی بەیاننامەیەک وێڕای رەخنەگرتن لە دواکەوتنی پێکهاتنی حکومەتی نوێ جەختی کردەوە : رووداوەکانی ئەم بەینەی عێراق نیشان ئەدا ، لە هاریکاریی نێوان گەلی عێراق و دەزگاکانی دابین کردنی راژەکاری ، کەلێن هەیە و هەر ئەم کەلێنانە وایکردووە هەندێ لا لاوازی لە خزمەت گەیاندن بقۆزنەوە .
ناڕەزایەتیە جەماوەریەکان لە ئێراق لە دوو هەفتە لەمەوبەرەوە سەرەتا لە پارێزگای بەسرە لە باشوور و لە ناڕەزایەتی بە کێشەی کارەبا ،ئاو و بێکاری لاوانی ئەو پارێزگایە سەرەڕای چالاکی کومپانیا بیانیەکان لە کێڵگە نەوتیەکانی ئەو پارێزگایە و هەروەها ناڕەزایەتی خەڵکی پارێزگای واسێت بە دۆخی کارەبا دەسپێکرا و هێدی هێدی تەشەنای کردە پارێزگاکانی دیکەی باشور و ناوەندی ئێراق بەڵام چەند ڕۆژ دواتر بێ دەنگ بوو و ئێستاکەش بە شێوەی بەربڵاو لە بڕێک لە ناوچەکاندا درێژەی هەیە .
ئەو ناڕەزایەتیانە لە حاڵێکدایە کە بە تێپەڕینی دوو مانگ لە بەڕێوە چوونی هەڵبژرادنە پەرلەمانیەکانی 22 گوڵان لە ئێراق ، هێشتا ئاکامی یەکجاری هەڵبژاردنەکانی لە گرێوی ژوماردنەوەی بە دەستی دەنگەکانە ، تەمەنی پەرلەمانی پێشوو کۆتایی پێهاتووە و کاتی پێکهێنانی پەرلەمانی نوێ فڕاکسیونی گەورەتر و دەوڵەتی نوێ هەروا لە گومان دایە .
