داخوازی نوێنەری پەرلەمانی ئێراق بۆ وەدەرنانی باڵوێزانی ئەمریکا و ئینگلیز لە بەغدا
نوێنەری هاوپەیمانی ئەلفەتح لە پەرلەمانی ئێراق وتی : باڵوێزانی ئەمریکا و ئینگلیز بۆ دابەشکرانی ئێراق هەوڵ ئەدەن و دەبێ لەو وڵاتە دەربکرێن .
بە گوێرەی ڕاپۆڕتی ڕۆژی یەکشەمەی هەواڵدەریی میهر ، ئەنتسار ئەلموسەوی " نوێنەری هاوپەیمانیی ئەلفەتح لە پەرلەمانی ئێراق وتی : باڵوێزانی ئەمریکا و بریتانیا بۆ هەڵایساندنی ئاگری شەڕو ڕووداوگەلێک کە لە پارێزگای بەسرە بە دی هات و هەروەها ئاگر دانی شوێنە گشتی و ناگشتیەکان لەو پارێزگایە بەشداریان بووە . بەسرە لە باشووری ئێراق لە ماوەی هەفتەی ڕابڕدوودا شایەتی ناڕەزایەتیگەلی جەماوەری لە ناڕەزایەتی بە بێکاری دابەزینی ئاستی ڕاژەکاری گشتیی ، کەم بوونی ئاو و کارەبا و گەندەڵی لە دامەزراوە دەوڵەتیەکان بوو . نوێنەران و کەسایەتیە سیاسیەکانی ئێراق ، کونسولخانەی ئەمریکا لە بەسرە بە بەرپرسی هاندانی خەڵک بۆ کردەوەگەلی توند و تیژانە دەزانن . نوێنەری هاوپەیمانی ئەلفەتح لە پەرلەمانی ئێراق هەروا بە جەخت کردن لە سەر ئەوەی کە سەرکەوتن بە سەر تاقمە تڕوڕیستەکان هەموو پیلانی ئەمریکا و ئینگلیز بۆ دابەشکرانی ئێراقیەکان ناکام هێشتەوە وتیشی : دەوڵەتی ئێراق دەبێ بە لەبەر گرتنی هەڵوێستێکی بوێرانە باڵوێزانی ئەمریکا و بریتانیا بە هۆی دەسوەردان لە کاروباری ناوخۆی وڵات دەر بکەن . بە لەناو چوونی داعش لە ئێراق لە دیسامبری 2017 خەڵک ، پارتەکان ، کەسایەتیەکان و مێدیا ئێراقیەکان خوازیاری چوونەدەری سەربازانی بیانی لە وڵاتەکەیانن .