یەحیا ڕەسووڵ: کۆبوونەوەی سێ لایەنەی دیمەشق سەرکەوتوانە بوو
وتەبێژی فەرماندەیی هاوبەشی سەربازیی لە ئێراق ڕایگەیاند: کۆبوونەوەی سێ لایەنەی سەرۆکانی ئەرکانی گشتی هێزە چەکدارەکانی کۆماری ئیسلامیی ئێران، ئێراق و سوریا لە دیمەشق، ئەرێنی و سەرکەوتوانە بووە.
بەپێی ڕاپۆرتی ئیرنا، سەرتیپ یەحیا ڕەسووڵ وتەبێژی فەرماندەیی هاوبەشی سەربازیی ئێراق ئەمڕۆ سێشەممە لە وتووێژ لەگەڵ هەواڵدەریی مەعلوومە وتی : لەم کۆبوونەوەیەدا سێ وڵات لەسەر هەماهەنگی کاری هاوبەش بۆ پاراستنی سنوورەکانی ئێراق و سوریا و درێژەی هاوکارییەکان لە بواری گۆڕینەوەی زانیارییەکانی ئاسایشی، لەنێوان یەکتر ڕێککەوتن.
وتەبێژی فەرماندەیی هاوبەشی سەربازیی ئێراق وتیشی:
بەپێی بڕیارەکانی ئەم کۆبوونەوەیە، هاوکاری لەنێوان سپای ئێراق و سوریا بۆ پێشگیری کردن لە تێپەڕین و دزەی ئەندامانی تاقمی تیرۆریستیی داعش و پێ وشوێن گیرانی هەڵس و کەوتەکانی ئەم تاقمە تیرۆریستییە، زۆرتر دەبێت.
کۆبوونەوەی سەرۆک ئەرکانە گشتیەکانی هێزە چەکدارەکانی سێ وڵاتی کۆماری ئیسلامیی ئێران، ئێراق و سوریا ،دوێنێ دووشەممە بە ئامادەبوونی سپەهبود عەبدوڵڵا ئەیوب وەزیری بەرەڤانی سوریا ، سەردار سەرلەشکری پاسدار محەممەد باقری و سپەهبود عوسمان غانمی، سەروک ئەرکانی گشتی هێزە چەکدارەکانی کۆماری ئیسلامیی ئێران و ئێراق، بەڕێوە چوو .