ناساندنی سەرۆکوەزیرانی نوێی عێراق تا دوو رۆژی داهاتوو
هەوپەیمانیی فەتح لە پەرلەمانی عێراق رایگەیاند : سەرۆکی ئە وڵاتە بەر لە کۆتایی هاتنی دەرفەتی یاسایی و تا دو رۆژی داهاتوو ، سەرۆکوەزیرانی نوێ دەناسێنێ .
بە پێی راپۆرتی کەناڵی ئەلعالەم ، هاوپەیمانیی فەتحی عێراق باسی 6 بەربژار بۆ وەرگرتنی پۆستی سەرۆکوەزیری دەکا دوای رەزامەندیی لە گەڵ وازلەکارهێنانی عادل عەبدولمەهدی و گوتی : بەرهەم ساڵح سەرۆکی عێراق لە دو رۆژی داهاتوودا و پێش کۆتایی دەرفەتی یاسایی ، سەرۆکوەزیرانی نوێ بۆپێکهێنانی کابینە رادەسپێرێ .
فەتح جەختیشی کردەوە : فراکسِیۆنە یاساییەکانیش خەریکی لێکدانەوەی پێشینەی شەش بەربژاری دیاری نیشتمانیی و بە توانا بۆ وەرگرتنی پۆستی سەرۆک وەزیران، بەڵام شوناسی ئەم بەربژارانە بۆ میدیاکان ئاشکرا نەکراوە ، چونکە هەندێ لایەن بە دوای هەڵوەشاندنی وڵات لە رێگەی سیاسی و میدیاییەوەن و دەیانهەوێ عێراق بەرەو بۆشایی یاسایی ببەن .
هاوپەیمانیی فەتح جەختی کردەوە : کەسێکی نوێ کە داکۆکیی مەرجعیەتی دینی و خۆپێشاندەرانی لەپشت بێ ، دەبێ بە سەرۆکوەزیرانی عێراق و لە دوو رۆژی داهاتوودا ناوی ئاشکرا دبێ .
بەپێی یاسای بنەڕەتیی عێراق ، بە کشانەوەی سەرۆکوەزیران ، سەرۆک کومار 15 رۆژ ( تا 18 ی دیسامبر ) دەرفەتی هەیە سەرۆک وەزیرانی نوێ دەسنیشان بکات.