پەلامارەکانی داعش لە پارێزگاکانی نەینەوا و دیالە
سەرچاوە عێراقیەکان رایانگەیاند لە هەردوو پارێزگەی نەینەوا و دیالە حەشدی شەعبی بەرپەرچی پەلامارەکانی داعشی دایەوە .
بە پێی راپۆرتی هەواڵدەریی فارس ، حەمید یاسری فەرماندەری تیپی 44 ی حەشدی شەعبی گوتی لە ماوەی دە رۆژی رابردوودا لە باشووری موسڵ بەرپەرچی سێ پەلاماری داعشمان داوەتەوە .
یاسری وتیشی داعش بە دوای پێکهێنانی تاقمۆکەی نوێدایە لە جەزیرە حەزەر لە باشووری پارێزگەی نەینەوا .
سادق حسێنیی سەرۆکی لیژنەی ئاسایشیی پارێزگەی دیالەش روژی پێنجشەممە گوتی حەشدی شەعبی گوازرانەوەی بنکەی فەرماندەریی داعش لە دیالەی لە ئەلمەتییجە بۆ حەمرین ناکام کردووە .
دەزگای راگەیاندنی وەزاڕەتی نێوخۆی عێراقیش باسی گرتنی سێ تیرۆریستی کرد لە پارزێگاکانی ئەنبار و سەلاحەدین کە دوو کەس لەوان داعشی بوون .
لە هەمان کاتدا بە هۆی پەلاماری خۆکوژیی تیرۆریستیی لە سامەڕا بە ئۆتۆمبێلی بۆمب رێژکراو حەوت کەس لە ئەندامانی حەشدی شەعبی شەهید کران .