تەندروستیی عیراق ٨٣ حاڵەتی نوێی کۆرۆنای راگەیاند
ئادار 31, 2020 08:00 Asia/Tehran
وەزارەتی تەندروستیی عیراق٨٣ توشبووی تری بەکۆرۆنا راگەیاندو ئەوەی پشتڕاست کردەوە کە، کۆی توشبووان لەعیراق بەهەرێمی کوردستانیشەوە گەیشتوەتە ٦٣٠ کەس.
وەزارەتی تەندروستیی عیراق لە راگەیەنراوەکەیدا جەختی کردووە: بەپێی ئەنجامی پشکنینەکان ٨٣ حاڵەتی نوێی کۆرۆنا تۆمارکراون لەپارێزگاکانی عیراق، لەرەسافەی بەغدا دوو حاڵەت، شاری پزیشکی بەغدا حاڵەتێک و بەشی کەرخی بەغداش ١١ حاڵەت، لەپارێزگای بەسرەش١٠ حاڵەت، لەنەجەف ١٨حاڵەت، کەربەلا سێ حاڵەت، موسەنا ١٢ حاڵەت، هەروەها چوار حاڵەتی گیان لەدەستدانیش بەکۆرۆنا لە نەجەف و واست و دیالە تۆمارکراون.
لەبارەی هەرێمی کوردستانیشەوە رایگەیاندوە: لەهەولێر ١٠ حاڵەت و لەدهۆک دوو حاڵەتی و سلێمانیش ١٤ حاڵەت تۆمارکراون.