دۆزرانەوەی حەشارگەیەکی داعش لە پارێزگای ئەنباری عێراق
ئه‌یلوول 23, 2020 19:40 Asia/Tehran
ھێزەکانی عێراق حەشارگەیەکی سەرەکیی تیرۆریستانی داعشیان لە پارێزگای ئەنبار لە ڕۆژئاوای ئەم وڵاتە دۆزییەوە.
بە پێی ڕاپۆرتی ڕۆژی چوارشەممەی ئەلعالەم، کاربەدەستانی ئاسایشتیی عێراق ڕایانگەیاند: لەو حەشارگەیەدا پێنج موشەک و ھەروەھا بڕێک سەکۆی ھاویشتنی موشەک دۆزراوەتەوەو دەستی گیراوە بە سەردا.
ئەمەو لە لایەکی دیکەوە «سادق ئەلحوسەینی» وتەبێژی دەڤەری پارێزگای دیالەی حەشدی شەعبیی عێراق ڕایگەیاندووە: ھێزەکانی حەشدی شەعبی بۆ لەنێو بردنی دوانگەکانی پڕوپاگەندەی تاقمی تیرۆریستی داعش کەڵکیان لە شەڕی سایبێری وەرگرتووە.
«ئەلحوسەینی» جەختیشی کرد: ئێمە بەرنگاری شەڕی پڕوپاگەندەی داعش لە تۆڕە کۆمەڵایەتییەکاندا بووینەتەوە کە لە ھەوڵی ئەوەدایە بە درۆو دەلەسەو بوختان کردن و ھەڵفریواندن بیروڕای گشتیی تێک بدات.
