لە جەلەولا ، داعش هێرشی کردە سەر سوپای عێراق،کوژران و بریندار بوونی 8 سەرباز
کانونی دوھەم 03, 2021 11:27 Asia/Tehran
لە هێرشی داعش بۆ سەر ناوچەی جەلەولا هەڵکەوتوو لە پارێزگای دیالە، سەربازێک کوژرا و حەوت سەربازی دیکەش بریندار بوون.
بە پێی ڕاپۆرتی ئاژانسی هەواڵی مێهر، دوێنێ شەو 13 ی بەفرانبار بەرانبەر بە 2 ی کانوونی دوھەم ، ژمارەیەک چەکداری داعش هێرشیان کردە سەر وێستگەیەکی پشکنین لە نزیکی حەلوان لە دەڤەری جەلەولا.
بە گوێرەی ئەم هەواڵە بەهۆی ئەو هێرشەوە سەربازێکی سوپای عێراق گیانی لەدەست دا و حەوت سەربازی دیکەش بریندار بوو کە دۆخی چوار کەسیان ناجێگیرە.
دوای ئەو هێرشە ژمارەیەکی زۆر سەربازی عێراقی نێردرایە ناوچەکە و ئەندامانی داعشیش لە ناوچەکە هەڵاتن.
ڕۆژێک پێش لەو هێرشەش تەقینەوەی بۆمبێکی چێندراو لە ناوچەی داقوق سەر بە پارێزگای کەرکووک، بووە هۆی کوژرانی سێ هێزی سوپای عێراق و بریندار بوونی سەربازێکی دیکە.
