تیپی وەرزشی بارسێلۆنا لە ئاڵکلاسیکۆی بردهوه/ درهوشانهوهی مێسی له بێرنابێئۆ
لهمیانەی چاوپێکەوتنی گهڕانهوهی ئاڵکلاسیکۆ بارسێلۆنا به ۳ گۆڵ توانی ڕیال مهدرید بباتهوه و لیۆنێل مێسی به تۆمارکردنی دوو گۆڵ بووه ئهستێرهی یاریهکه .
به پێی ڕاپۆرتی ئاژانسی ههواڵیی مێهر، شهوی ڕابردوو له ههفتهی سی و سێههمی پێشبڕکێیهکانی لالیگا له یاریگای سانتیاگۆ بێرنابێئۆ، یانهی بارسێلۆنا توانی به ۳ گۆڵ یانهی شاهانه بباتهوه.
لهو دیدارهدا؛ لیۆنێل مێسی ئەرژەنتینی و ئەستێرەی یەکەمی یانەی بارسێلۆنا جارێکی تر لەسەر یاریگای سانتیاگۆ بێرنابیۆ درەوشایەوە و دوای ۳۷ مانگ سەرکەوتنی بەخشییە یانەکەی .
دوای ۲۸ خولهک له یاریهکه کاسیمیرۆی بەرازیلی تۆڕی گۆڵی بارسای ههژاند و یانهی شاهانهی پێشخست.
له خولهکی ۳۳ ی یاریهکهدا لیۆنێل مێسی وڵامی گۆڵی ڕیالی دایهوه و یاریهکهی بۆ بارسێلۆنا یهکسان کرد و تایمی یەکەم بە گۆڵێک بۆ هەردوولا کۆتایی هات.
لە تایمی دووەمدا و لەخولەکی ۷۳دا ئیڤان راکیتیچی کرواتی بە شووتێکی بەهێز گۆڵی دووەمی بارسێلۆنای تۆمارکرد.
لەخولەکی ۸۶دا خامێس رۆدریگێز، گۆڵی دووهمی ریاڵ مەدریدی وهشاند و ئەنجامەکەیان یەکسان کردەوە.
لەکاتی زیادکراوی یارییەکەدا و لەخولەکی ۹۲دا لیۆنێل مێسی جارێکی تر تۆڕی گۆڵی کیلۆر ناڤاسی هەژاند.
بەو ئەنجامەو سەرکەوتنی بەئەنجامی (۳-۲) گۆڵ یانەی بارسێلۆنا بە ۷۵ خاڵ لە ۳۳ یاریدا پێشەنگی خولی ئیسپانی وەرگرت و ریاڵ مەدریدیش بە هەمان ژمارەی خاڵ بەڵام لە ۳۲ یاریدا لە پلەی دووەمی ریزبەندی گشتی خولەکەدایە.