پاڵەوانێکی کورد رێکوردی ئاسیای شکاند
تشرینی یهکهم 12, 2018 17:49 Asia/Tehran
نوێنەرانی کێشی +۱۰۷ کیلۆگرامی پاراکیس هەڵگریی ئێران، توانییان لە پێشبڕکێیەکانی پارائاسیایی ئەندۆنزیا میدالیای زێر و زیو ببەنەوە.
بە پێی ڕاپۆرتی ئاژانسی هەواڵی مێهر، لە درێژەی یارییەکانی پارائاسیایی ۲۰۱۸ (تایبەتی کەم ئەندامان) سیامەند رەحمان پاڵەوانی ناوبەدەری کورد توانی ڕیکوردی ئاسیا بشکێنێت و میدالیای زێڕ لە مل بکات.
هاوکات، مەنسوور پووڕمیرازیی، نوێنەری دیکەی ئێران هەر لەو کێشە میدالیای زیوی مسۆگەر کرد و پلەی دووهەمی وەدەست هێنا.
سیامەند ڕەحمان سەرەتا کێشی ۲۷۳ دواتر کێشی ۲۹۳ی بەرزکردەوە و میدالیای زێڕی بردەوە و دواتر بە بەرزکردنەوەی کێشی ۲۹۵ ڕێکوردی ڕکابەرییەکانی ئاسیا و پارا ئاسیای شکاند.