نیسان 06, 2020 18:05 Asia/Tehran
  • سەرکەوتنی ئێران لەبەرامبەر ڕووسیا لە پێشبڕکێکانی موندیاڵی جیهانی شەترەنجی لایڤ

هەڵبژاردەی ئێران لە خولی حەوتەم و کۆتایی پێشبڕکێکانی موندیاڵی شەترەنجی لایڤ توانی هەڵبژاردەی ڕووسیا شکست بدات.

بەپێی ڕاپۆرتی هەواڵدەریی مێهر،  حەوتەمین و دوایین خولی پێشبڕکێکانی شەترەنجی  موندیاڵی  جیهانی  بە دووسەت و شەست و پێنج  شەترەنج باز لە هەڵبژاردەی ئێران، بەڕێوە چوو .

هەڵبژاردەی ئێران لەم خولە دا توانی  لە هەر سێ  بەشی پێشبڕکێکەدا، پێشبڕکێی ئەوپەڕی خێرایی، بلیتس و خێرا، هەڵبژاردەی ڕووسیا بە سێسەدوپەنجا شەترەنج باز شکست بدات و بیباتەوە.

هەڵبژاردەی ئۆکراین  بە هەژدە ئیمتیاز  و بێ ئەگەری گۆڕین لە ئەنجامەکانی  لەسەرووی تاقمەکەدایە و هەڵبژاردەی ڕووسیا بە سێزدەونیو   ئیمتیاز خاوەن پلەی  دووهەمە  .

ئەنجامی چەندین  پێشبڕکێی ئەم سێ تیمە زۆر لە یەک نیزیکە و هەتا ڕاگەیاندنی دوایین ئیمتیازەکان،هەموو  هەڵبژاردەی وڵاتان دەبێ چاوەڕوانی  ڕاگەیاندنی تاقمە سەرکەوتووەکان بن .