یوڤێنتوس بە نرخێکی زۆر کەم ئامادەیە دەستبەرداری هیگواین ببێت
May 27, 2020 15:44 Asia/Tehran
گۆنزالۆ هیگواین، گۆلکاری ئەرژەنتینیی یانەی یوڤێنتوسی ئیتاڵیا دەیەوێت یانەکەی جێبێڵێت و چاوەڕێش دەکرێت دوایین وەرزی بێت لە سێریائەی.
ماڵپەری تۆپی پێ ئیتاڵیا وای بڵاو کردووەتەوە کە کارگێری خانمە پیرەکە گەیشتووەتە ئەو ئەنجامەی کە گۆڵکارەکەی یانەکەیان دڵی لەگەڵ ئەوان نەماوە و ئامادەن پێش کۆتایی هاتنی گرێبەستەکەی بەرامبەر 18 ملیۆن یۆرۆ دەستبەرداری بن و چەند یانەیەکیش ئامادەن بۆ گواستنەوەی لەوانەش یانەکانی نیوکاسڵ یونایتد و ڤۆلڤەرهامبتۆن لە ئینگڵاند و هەروەها ریڤەرپلەیتی ئەرژەنتینی.
هیگواین لە ساڵی 2016 بەرامبەر 90 ملیۆن یۆرۆ لە ریزەکانی ناپۆلی گواسترایەوە یوڤێنتوس و هاوینی 2021 گرێبەستەکەی لەگەڵ یانەکەی کۆتایی دێت.
