تشرینی یه‌که‌م 17, 2018 20:01 Asia/Tehran
  • کوژرانی ژومارێک لە بەکرێگیراوانی سعودی لەیەمەن

سوپا و هێزی جەماوەریی یەمەن، بەکرێگیراوانی سعودیان لەبەرەی نێهەم لەباکووری سەنعا داوەتە بەر پەلامار.

بەپێی ڕاپۆرتی ڕادیۆتەلەفزیون،  لە پەلاماری ڕۆژی چوارشەممەی سوپا و هێزی جەماوەری یەمەن بۆسەر بنکەی بەکرێگیراوانی سعودی لە باشووری قەرەن لەبەرەی  نێهێم  لەباکووری سەنعای پێتەختی یەمەن، ژومارێک لە بەکرێگیراوانی سعودیان کوشت و ژومارێکیشیان بریندار کرد  . 

بەپێی هەواڵێکی تر، کەناڵی تەلەفزیونی مەسیرە رایگەیاند: لە پەلاماری مووشەکی و تۆپخانەیی دەستدرێژکارانی سعودی بۆسەر گوندەکانی ناوچەی سنووریی رازخ لە پارێزگەی سەعدەی یەمەن، شارومەندێکی یەمەنیان بریندار کرد.

عەرەبستان بە داکۆکیی ئەمریکا ، ئیمارات و چەن وڵاتی دیکە لە مارسی ٢٠١٥ـەوە بە پەلاماری سەربازی بۆ سەر یەمەن ، گەمارۆی زەوینی، دەریایی و ئاسمانی ئەم وڵاتەی داوە . ئەم دەسدرێژییە سەربازییە تا ئێستا بۆتە هۆی کوژرانی پتر لە  چواردە هەزار کەس، بریندار بوونی دەیان هەزار کەس و ئاوارە بوونی بە ملوێنان یەمەنی دیکە  و هەروەها تیاچوونی زۆربەی ژێرخانەکانی ئەم وڵاتە.

دەسدرێژیی سەربازیی عەرەبستان هەروەها وڵاتی هەژار و دەسکورتی یەمەنی بەرەوڕووی کەمبوونی نالەباری خۆراک و دەرمان کردۆتەوە و بۆتە هۆی پەرە سەندنی زۆر نەخۆشی و پەتایەکی نالەبار لەم وڵاتەدا.

ڕژێمی سەعوودی و هاوپەیمانەکانی تا ئێستا لەبەر خۆڕاگریی خڵکی یەمەن نەیانتوانیوە بگەنە ئامانجەکانیان لەم وڵاتەدا کە هەمان دەسەڵات گرتنە دەستی کەسانی دەسنیا و دارەدەستە.