شاری جوانی مەراغە
مەراغە یەکێک لە شارستانەکانی پارێزگای ئازەربایجانی ڕۆژئاوایە
مەراغە یەکێک لە شارستانەکانی پارێزگای ئازەربایجانی ڕۆژئاوایە و مەودای لەگەڵ تەورێز 120 کیلۆمەترە. هەروەها ئەم شارە دووەمین شاری پڕحەشیمەتی ئەو پارێزگایە پاش تەورێز.
مەراغە لە تەنیشت ڕووباری سۆفی چای و لەبناری باشووری کێوی سەهەند دا هەڵکەوتووە.
مەراغە شارێکی جوانە کە بە درێژایی هەڵدێرێکی جوان ساز کراوە. ئەم شارە لە سەردەمی دەسەڵاتدارانی ئیلخانی، پێتەختی ئێران بووە. شارستانی مەراغە خاوەنی 300 شوێنەواری مێژوویی و تەپۆڵکەی کەوناراییە..
خەڵکی مەراغە بە زمانی تورکی ئازەربایجانی قسە دەکەن. زۆربەی دانیشتووانی مەراغە موسڵمانی شێعەن. کەمینەیێک لە ئایینەکانی دیکە لەگەڵ چەند بنەماڵەیێکی ئەرمەنیش لەودا نیشتەجێن.
هەندێک لە شوێنەوارە مێژووییەکانی مەراغە بریتین لە ڕەسەدخانە (شوێنی دیتن و لێکۆڵینەوە لەسەر ئەستێرەکان)، گومبەزی سۆفی چای و کێوی سەهەند و هتد.
کێوی سەهەند لە 40 کیلۆمەتری باکووری مەراغەدایە کە ساڵانە تاقمێکی زۆری شاخەوان بۆ سەرکەوتن لەم شاخە سەردانی دەکەن.
هەروەها هەندێک لە دەسکار و ماددە خۆراکییەکانی بەرهەمی ئەم شارە بریتین لە: کارگەی سابوون سازی مەراغە، کارگەی بەرهەمهێنانی شووشە و کارگەی فەرش چنین و هتد.
گەردوپەڕی شاری مەراغە تەژی لە باخی مێو (ترێ) و مێوەکانی دیکەیە. ترێی بەرهەمی باخ و ڕەزەکانی ئەم شارە کوالیتیێکی باشیان هەیە، هەر بۆیە هەموو ساڵیک رادەیێکی زۆری بەرهەمەکانی هەناردە دەکرێت بۆ دەرەوەی وڵات.
هەروەها وێستگەی شەمەندەفەڕی مەراغە کە لەسەر ڕێگای ئاسنەڕێی تاران – تەورێزدایە لە ڕێککەوتی 30ی ڕەزبەری 1335دا کراوەتەوە کە سالانە گەشتیار و موسافیرێکی زۆر بە شەمەندەفەڕەکانی هاتو