دەیەی کرامەت، دەیەی بەرز کردنەوەی پلە و پایەی مرۆڤایەتی لە هەمووان پیرۆز بێت
هۆی ناودێر کردنی دەیەی کرامەت چییە؟
دەیەی کرامەت، دە ڕۆژی یەکەمی مانگی زیقەعدەیە و دەسپێکەکەی بە سالەهاتی لە دایکبوونی حەزرەتی مەعسوومە (د.خ)یە
و بە ساڵەهاتی لە دایکبوونی حەزرەتی ئەبۆلحەسەن عەلی ئێبنی مووسای ڕەزا (د.خ) کۆتایی پێ دێت.
ئەم ڕۆژانە وەبیرهێنەرەوەی زۆرێک لە ئامانجە بەرزەکانی عەزرەتی عەلی (د.خ)ە. دەیەی کرامەت وەبیر هێنەرەوەی بەرزترین هۆگری و ئەوین و ئەمەگداری کەم وێنەی خوشکێکە بە براکەی.
سۆز و خۆشەویستییەک کە خوشکێکی میهرەبانی ناچار بە کۆچ کردووە و غەریبایەتی و نەخۆشی و مردنی لە گەنجییەتیدا بۆی هاسان کردووەتەوە.دەیەی کرامەت وەبیرهێنەرەوەی ویستی پۆڵایینی ژنانی گەورە و ئافرەتانی پایەبەرزی جیهانە.
کرامەت چییە؟ چۆن دەکرێ لەو پێناوەدا هەنگاو هەڵگرین و مرۆڤی کەریم لەلای خودا چ پلەوپایەیێکی هەیە؟لە راستیدا کرامەت بە مانای دوورەپەرێزییە لە هەر چەشنە خووخدەیێکی کرێت و دزێو و بە هەر ڕۆح و وجودێکی پاک و بە دوور لە هەر چەشنە چەوتییەک کەریم دەڵێن.
ڕەسووڵی نازداری ئیسلام (د.خ) فەرموویەتی: "خودای گەورە کەریمە و کەرەم و بەخشینەوەی پێ خۆشە".ئەمیری بڕواداران حەزرەتی عەلی (د.خ) فەرموویەتی: "کەسێک کەوا پێش داوا کردن دەبەخشێتەوە، کەریمە". یاخود "ڕووداوی ناخۆش کارناکاتە سەر ورەی کەریمدا".بە فەرموودەی خودای گەورە لە قورئانی پیرۆزدا: "کەریمترین (بەڕێزترین)ی ئێوە لەلای خوداوەند بە بڕواترین و خواناسترینی ئێوەیە".قورئانی پیرۆز هەوێنی هەر مرۆڤێک تەژی لە شەرافەت و پاکی دەزانێ و ئاماژە دەداتە ئەم بابەتە کە بێتوو مرۆڤ ڕێگای کەرامەت بپێوێ وەکوو ئەوەیە کە ڕێگای ئاسایی خۆی پێوابێت و گەیشتبێتە سەرچاوەی سەرەکی دەروونی خۆی.دەیەی کرامەت وەبیرهێنەرەوەی تەوای چاکییەکانە و سیمای بێ خەوشی مرۆڤ وەبیر دەخاتەوە.
بەڵام لە راستیدا هەموو ئەو واتا بەرزانەی وا لە ئیسلامدا هەن لەم دەیەیەدا خۆ دەنوێنن چوونکە گڵکۆی حەزرەتی مەعسوومە (د.خ) و ئیمام ڕەزا (د.خ) دەبنە ناوەندی دۆعا و نزا و پاڕانەوە. هەروەها دەیەی کرامەت وەبیرهێنەرەوەی وەدیهێنانی گۆڕانکارییە لە لایەن ئافرەتە ئاسمانییەکانەوە و ئەوەی کە ئەتوانن ببنە ڕێشاندەری دڵی سەدان ملوێن موسڵمان لە ماوەی چاخ و سەدەکاندا.
نیزامی پیرۆزی کۆماری ئیسلامی ئێران، مەودای نێوان ئەم دوو بۆنە پیرۆزەی وەکوو دەیەی کرامەت ناودێر کردووە.