سەرۆک‌کۆمارو سەرۆک وەزیرانی تورکیا سەرەخۆشی لە مسعوود بارزانی دەکەن
ئێوارەی ڕۆژی سێشەممە 25ی 4ی 2017 لە پەیوەندییه‌کی تەلەفۆنیدا ڕەجەب تەییب ئەردۆغان"ی سەرۆک‌کۆمارو بیناوی یێڵدرم"ی سەرۆک‌وەزیرانی تورکیا لەگەڵ مەسعوود بارزانی سەرۆکی هەرێمی کوردستان، دڵگرانیی خۆیان بە شەهید بوونی شەش پێشمەرگەو برینداربوونی ھەشت پێشمەرگە بە بارزانی ڕاگەیاند .
بەپێی هەواڵی کوردپرێس بەگێڕانەوە لە ماڵپەڕی سەرۆکایەتیی هەرێمی کوردستان ڕەجەب تەییب ئەردوغان سەرۆک‌کۆمار و بیناوی یێڵدرم سەرۆک‌وەزیرانی تورکیا لەگەڵ مەسعوود بارزانی سەرۆکی هەرێمی کوردستان، دڵگرانیی خۆیان بە شەهیدبوونی شەش پێشمەرگە و بریندار بوونی ھەشت پێشمەرگە بە بارزانی ڕاگەیاند کە لە ئەنجامی هێرشی فڕۆکەکانی تورکیا بۆ چیای شنگال شەهید و بریندار بوون.
هەروەها سەرەخۆشییان لە بارزانی و کەس‌وکاری شەهیدانی ئەو ڕووداوە کرد و هیوای چاکبوونەوەی خێرایشیان بۆ برینداران خواست و ئەوەیشیان دووپات کردەوە کە ئەو ڕووداوە بە هیچ شێوەیێک عەمد نەبووە و لە ئەنجامی هەڵەی فڕۆکەکان بووە.
