کۆپرسی هەرێمی کوردستان لە ناوچەکانی دەرەوەی هەرێمی کوردستانیش بەڕێوە دەچێت
سەرباری نەیارەتییەکان بەرامبەر بەڕێوەچوونی ڕیفراندۆم لە هەرێمی کوردستانی ئێراق و ناوچەکانی دیکە، کۆمیسیۆنی باڵای هەڵبژاردنی ئەم ناوچەیە ڕایگەیاند: ڕیفراندۆم لە کاتی دیاریکراو و لە بەشێک لە پارێزگەکانی کەرکووک، نەینەوا، دیالە و سەلاحەدینیش بەڕێوە دەچێت.
بەپێی ڕاپۆرتی هەواڵدەریی ڕادیۆتەلەفزیۆن، کۆمیسیۆنی باڵای هەڵبژاردنی هەرێمی کوردستان وتیشی: کاتی پڕۆپاگەندەی هەڵبژاردن بۆ ڕیفراندۆم هەتا کۆتایی ڕۆژی هەینی واتە ئەمڕۆیە و دوای ئەوە هەرچەشنە پڕۆپاگەندەیەک قەدەغەیە.
هەرلەم حاڵەدا هاوکات هەزاران کەس لە چینە جۆربەجۆرەکانی پارێزگەی نەینەوا لەباکووری ئێراق ڕۆژی هەینی بەمەبەستی ناڕەزایەتی بەرامبەر بەڕێوەچوونی ریفراندۆم لە بەشێک لەم پارێزگەیە، خۆپیشاندانیان کرد و داوای یەکپارچەیی خاکی ئێراقیان کرد .
بەرلەمە خەڵکی پارێزگەی دیالە وسەلاحەدین لە ڕۆژهەڵات و باکووری ئێراقیش بە بەڕێوە بردنی خۆپیشاندان و کۆبوونەوەی ناڕازیانە بە بەڕێوەبردنی ڕیفراندۆم لە هەرێمی کوردستان و هەروەها لە پارێزگەکەیان نەیارەتیان دەربڕی.