گەڕانەوەی خەڵکی سیڤیل بۆ کەرکووک
هەزاران کەسی سیڤیل ڕۆژێک دوای ئەوەی کەرکوویان بە جێ هێشتبوو گەڕانەوە بۆ ئەم شارە .
بەپێی ڕاپۆرتی ڕوژی سێ شەممەی هەواڵدەریی ڕادیۆ تەلەفزیۆن، دوابەدوای ئۆپراسیۆنی هێزی ئێراقی بۆ دامەزراندنی ئاسایشی کەرکووک و گەڕاندنەوەی نەزم و تەکوزیی لەم شارە ، هەزاران کەسی سیڤیل گەڕانەوە بۆ شاری کەرکووک .
بەپێی هەواڵێکی تر، هێزی پۆلیسی ناوەندی و حەشدی شەعبی بەیانی ڕۆژی سێ شەممە دوای کشانەوەی هێزی پێشمەرگە گەیشتنە شاری خانەقین لەباکووری ئێراق و کۆنترۆڵی ئەم شارەیان بە دەستەوە گرت .
هاوکات لە گەڵ درێژەی هەوڵی سوپای ئێراق بۆ گەڕانەوەی هێزی چەکداری دەوڵەتی ناوەند بۆ ناوچە ناکۆکی لەسەرەکانی نێوان بەغدا و هەولێر، هێزی سوپای ئێراق گەیشتنە شاری بەعشیقە لەباکووری ڕۆژهەڵاتی مووسڵ و کۆنترۆڵی ئەوێیان گرتە دەست .
بەعشیقە کە زۆربەیان ئێزدی ئێراقن یەکێک لە ناوچە ناکۆکی لەسەرەکانی نێوان هەولێر و بەغدایە و بە پێی یاسای بنەڕەتیی ئێراق سەروەری هەموو ناوچەکان دەبێ بکەوێتە ژێر چاوەدێری دەوڵەتی ناوەندی بەغدا .
زۆربەی هێزەکانی حەشدی شەعبی و سوپای ئێراق توانیان بگەنە شاری ئێزدی نشینی شەنگال.
ئەفسەرێکی سوپای ئێراقیش ڕایگەیاند : هێزی ئاسایشی ئەم وڵاتە هەموو مەیدانەکانی نەوتی ژێرچاوەدێری کۆمپانیای دەوڵەتیی نەوتی باکووریان خستوەتە ژێر چاوەدێری خۆیان .
بەپێی هەواڵێکی تر لە ئێراقەوە، هێزەکانی ئەم وڵاتە بەرەو بوارگەی رەبیعە لە سەر سنووری سوریا ڕۆیشتن هەتا کۆنترۆڵی ئەوێ بگرنە دەست .
حەیدەر عەبادی سەرۆک وەزیرانی ئێراق شەوی دووشەممە دوای کۆتایی مۆڵەتی حەفتا و دوو کاتژمێری بۆ گەڕانەوەی هێزی پێشمەرگەی کورد لە کەرکووک، فەرمانی دەستپێکرانی ئۆپراسیۆنی کۆنترۆڵی هێزی ئێراقی بەسەر کەرکووک و وەرگرتنەوە کێڵگەکانی نەوتی ئەم ناوچەیەی دەرکرد.